Author: Mahendranagar Post

काठमाडौंः कञ्चनपुरस्थित भीमदत्त नगरपालिकाको नदीजन्य वस्तुको मुद्दामा राजनीतिक फ्याक्टरसमेत जोडिएको छ। तत्कालीन नगरप्रमुख सुरेन्द्र विष्टको पालामा भएको नदीजन्य वस्तुको ठेक्कामा भएको भ्रष्टाचार मुद्दामा नेकपा (एमाले) सहित नेपाली काँग्रेसका नेताहरूको पोलिटिकल कनेक्सन देखिएको हो। स्रोतका अनुसार पार्टीभित्रको अन्तरद्वन्दले सो भ्रष्टाचार मुद्दामा पनि स्थान पाएको हो। काँग्रेस कञ्चनपुरका केही नेता तथा कार्यकर्ताहरु गुटगत राजनीतिकै कारण उक्त मुद्दामा सिकार भएको बताइएको छ। पहिल्यैदेखि कञ्चनपुरमा काँग्रेसभित्र हालका परराष्ट्रमन्त्रीसमेत रहेका एनपी साउँद र काँग्रेसका प्रमुख सचेतक रमेश लेखकबीच अन्तरद्वन्द थियो। सो अन्तरद्वन्द भीमदत्तको नदीजन्य वस्तुको ठेक्कामा छुट दिएर राजस्व चुहावट गरेको भ्रष्टाचार मुद्दाका सवालमा छताछुल्ल भएको बताइन्छ। सो मुद्दामा भएभरको पहुँच लगाएर रमेश लेखकले आफू…

डडेल्धुरा: डडेल्धुरामा भरुवा बन्दुक र बारुदसहित एक जना पक्राउ परेका छन् । जिल्लाको अमरगढी नगरपालिका-१ स्थित कमल पोखरीको जंगल इलाकाबाट भेटाका ५६ वर्षीय रुद्रबहादुर ऐर पक्राउ परेका हुन् । सेनाको रणबम गण (दह ब्यारेक)बाट खटिएको गस्ती टोलीले भरुवा बन्दुक लगेर जंगलतर्फ गइरहेका ऐरलाई पक्राउ गरेको हो । उनलाई सेनाले जिल्ला प्रहरी कार्यालयको जिम्मा लगाएको छ ।

बझाङ: नेकपा (एमाले)का केन्द्रीय सदस्य तथा बझाङ क्षेत्र नं. २ का इन्चार्ज ऐन महरलाई डेंगु संक्रमण देखिएको छ । चैनपुरस्थित जयपृथ्वी अस्पताल भर्ना गरिएका उनलाई थप उपचारका लागि आज काठमाडौँ लगिँदै छ । प्रशिक्षक/प्रशिक्षण कार्यक्रममा सहभागी हुन गत ७ गते बझाङ आएका महर शुक्रबार पानकोटस्थित एमाले जिल्ला कमिटी बझाङको पूर्ण बैठकमा सहभागी भएका थिए ।

बाजुरा: धार्मिक तथा पर्यटकीय बडीमालिकामा भदौ शुल्क पूर्णिमाको अघिल्लो दिन लाग्ने मेलामा सहभागी हुनेलाई लक्षित गरी नेपाली सेनाले सञ्चालन गरेको स्वास्थ्य शिविरमा आठ सय ६६ जनाको उपचार भएको छ । ४ हजार २१२ फिटको उचाइमा रहेको बडीमालिकाको तीर्थस्थल त्रिवेणी र बडीमालिका मन्दिरमा ५४५ पुरुष र ३२१ महिला गरी ८६६ जनालाई स्वास्थ्योपचार गरेको दुर्गाभञ्जन गुल्मका गुल्मपति सेनानी धर्मेन्द्रबहादुर सिंहले जानकारी दिए । उनका अनुसार बडीमालिकामा दर्शन गर्न गएका तीर्थयात्रीलाई अक्सिजन अभावका कारण र विभिन्न प्रकारका बिरामी थला परेर सिकिस्त बिरामी भएपछि सेनाको मेडिकल टोलीले उद्धार गर्दै सेनाको मेडिकल क्याम्पमा उपचार गरिएको हो । बडीमालिकाको दर्शनका लागि गएका तीर्थयात्रीलाई लेक लाग्ने र…

काठमाडौँ: सरकारले अनौपचारिक श्रमिक तथा स्वरोजगार व्यक्तिलाई सामाजिक सुरक्षाको प्रत्याभूति गराउन सामाजिक सुरक्षा योजना सञ्चालनमा ल्याएको छ । नेपालको संविधानले प्रत्येक नागरिकलाई सामाजिक सुरक्षाको हक हुने व्यवस्था गरेको छ । संविधानले निर्दिष्ट गरेको सामाजिक सुरक्षाको हक कार्यान्वयनका क्रममा सरकारले अनौपचारिक श्रमिक र स्वरोजगारमा रहेका व्यक्तिका लागि लक्षित गर्दै सामाजिक सुरक्षा योजना सञ्चालनमा ल्याएको हो । सामाजिक सुरक्षा कोषले गत साउन ३१ गतेदेखि अनौपचारिक क्षेत्रका श्रमिक र स्वरोजगारमा रहेका व्यक्तिलाई सामाजिक सुरक्षा योजनामा सहभागी गराउन थालेको छ । औपचारिक क्षेत्रका श्रमिक र वैदेशिक रोजगारीमा रहेका व्यक्ति यसअघि नै सामाजिक सुरक्षाको दायरामा आइसकेका छन् । नेपालमा क्रियाशील ट्रेड युनियनले लामो समयदेखि अनौपचारिक…

काठमाडौँ: नेपाली राष्ट्रिय महिला फुटबल टिमकी मुख्य फरवार्ड सावित्रा भण्डारीले इजरायलको लिगमा उत्कृष्ट प्रदर्शन गरेकी छिन् । इजरायली महिला फुटबलको शीर्ष डिभिजनको पहिलो खेलमा हापोएल राननाले रमाट हशारोनलाई ४–० को फराकिलो अन्तरले हराएको छ । यो खेलका चार वटै गोल सावित्रा एक्लैले गरिन् । उनी प्लेअर अफ म्याच पनि बनिन् ।

एजेन्सी: भारतले सूर्यको अध्ययन गर्न आज अन्तरिक्ष यान पठाएको छ । बिहान ११ बजेर ५० मिनेटमा श्रीहरिकोटमा रहेको अन्तरिक्ष यान प्रक्षेपणस्थलबाट आदित्य एल–१ यान अन्तरिक्षमा पठाइएको भारतीय अन्तरिक्ष अनुसन्धान सङ्गठन (इसरो)ले जनाएको छ । चन्द्रमाको दक्षिणी ध्रुवमा सफलतापूर्वक यान अवतरण गराउने पहिलो देश बन्न सफल भएको एक हप्तापछि नै भारतले आज सूर्यको अनुसन्धान गर्न अन्तरिक्ष यान पठाएको हो । अन्तरिक्षमा पठाएको यान सूर्यमा पुग्ने नभइ पृथ्वीबाट १५ लाख किलोमिटर टाढा पुग्नेछ र यसको लागि १ सय २५ दिन लाग्नेछ । दूरी पृथ्वी र चन्द्रमा बीचको दूरीभन्दा झन्डै चार गुणाले बढी हो । तर पृथ्वीबाट सूर्यसँगको दूरीको चाहिँ एक प्रतिशत मात्रै…

धनगढीः सुदूरपश्चिम प्रदेशमा लागुऔषध दुरुपयोगको समस्या दिनप्रतिदिन तीव्र रुपमा बढ्दै गएपछि प्रदेश प्रहरी कार्यालले स्कुल/कलेज केन्द्रित महाअभियान थालेको छ । प्रहरीले धनगढीका स्कुल तथा कलेजहरुमै पुगेर लागुऔषधका नकारात्मक असर र समाजमा फैलिएको विकृतिबारे छात्र–छात्राहरुलाई ज्ञान प्रदान गरी सचेत गराइरहेको छ । लागुऔषधबाट सबैभन्दा बढी युवा र त्यसपछि किशोर/किशोरीहरु प्रभावित बन्न पुगेपछि यसको नियन्त्रणका लागि प्रदेश प्रहरीले विद्यालय र कलेज केन्द्रित “लागुऔषधविरुद्वको महाअभियान, २०८०” नै सुरु गरेको हो । अभियान अन्तर्गत आज धनगढी उपमहानगरपालिका–३ त्रिभुवनचोकस्थित त्रिभुवन माध्यमिक विद्यालयका कक्षा ११ र १२ मा अध्ययनरत ९१ जना छात्र/छात्रालाई लागुऔषध नियन्त्रण सम्बन्धी जनचेतनामूलक प्रशिक्षण दिइएको छ । प्रदेश प्रहरी कार्यालय धनगढीका प्रहरी उपरीक्षक…

एजेन्सी: सिङ्गापुरको राष्ट्रपतिमा पूर्व वरिष्ठ मन्त्री थर्मन शान्मुगररत्नम विजयी भएका छन् । कुल मतको ७० दशमलव ४ प्रतिशत मत ल्याएर थर्मन सिङ्गापुरको नवौँ राष्ट्रपतिमा निर्वाचित भएका बीबीसीले जनाएको छ । उनका प्रतिस्पर्धी एनजी कोक सङले १५ दशमलव ७२ र र तान किन लियानले १३ दशमलव ८८ प्रतिशत मत प्राप्त गरेका निर्वाचन कार्यालयले जनाएको छ । राष्ट्रपति चुनावमा २० लाख ४८ हजार सिङ्गापुरवासीले मतदान गरेका थिए । नवनिर्वाचित थर्मनलाई सहरी क्षेत्रको विज्ञ र बौद्धिक नेताका रुपमा सिङ्गापुरवासीले सम्मान गर्ने गरेका छन् । उनले यसअघि उपप्रधानमन्त्री तथा अर्थमन्त्री, अन्तर्राष्ट्रिय मुद्रा कोष आईएमएफको प्रमुख जस्ता पद प्राप्त गरिसकेका छन् ।

दाङ: तुलसीपुर उपमहानगरपालिका–६ मा रहेको गणपति तेल मिलमा आज बिहान आगलागी भएको छ । बिहान २ः३० बजे तेल मिलमा आगलागी भएको सञ्चालक हिमाल बस्नेतले जानकारी दिए । तेल मिलमा आगलागी भएको र आफूले झण्डै एक घण्टापछि मात्र थाहा पाएको बस्नेतले बताए । आगलागी भएको खबर पाएलगत्तै ठूलो सङ्ख्यामा स्थानीय, पानी ट्याङ्कर, नेपाल प्रहरी, सशस्त्र प्रहरी र दमकलको सहयोगमा आज विहान आगो नियन्त्रमा लिएको इलाका प्रहरी कार्यालय तुलसीपुरले जनाएको छ । आगलागीबाट रु दुई करोडभन्दा बढी क्षति भएको अनुमान रहे पनि क्षतिको यकिन विवरण आउन बाँकी रहेको प्रहरीको भनाइ छ । आगलागीको कारण अझै खुलेको छैन । उक्त तेल मिल तुलसीपुर…