धनगढीः सुदूरपश्चिमको दुर्गम जिल्ला बझाङमा सेवा दिन्छु भनेर बझाङ पुगेका डा. नवराज जोशीको स्वास्थ्य मन्त्रालयले काज फिर्ता गरेको छ। मन्त्रालयको सचिवस्तरको निर्णय अनुसार २४ गते मन्त्रालयमै काज फिर्ता गरिएको हो। डा जोशी जिल्ला अस्पताल बझाङमा कार्यरत थिए। उनी स्त्रीरोग विशेषज्ञ चिकित्सक हुन्। १५ महिना अघि डा जोशीलाई बझाङ पठाइएको थियो। उनलाई मन्त्रालय तानेपछि बझाङ अस्पतालको प्रसूति सेवा प्रभावित बनेको छ। एक मात्र विशेषज्ञ चिकित्सक रहेको सो अस्पतालका डाक्टर जोशीलाई तान्दा प्रसूति शल्यक्रिया सेवाहरू बन्द भएका छन्। यस्तै सुत्केरीका जटिल अपरेसनहरू पनि बन्द भएका छन्। मेडिकल आपूर्तिकर्ताहरूलाई गुणस्तरीय उपकरण तथा सामाग्री माग गर्दा भुक्तानीमा कडाइ गर्दा काज फिर्ता पावर लगाएर गराइएको…
Author: महेन्द्रनगर पोष्ट
काठमाडौं सशस्त्र प्रहरी बल नेपालले युनिट सरुवाको सुरुवात गरेको छ। पहिलो पटक सशस्त्र प्रहरी बल नेपाल नं. १५ गण काभ्रेको ‘क’ गुल्म र नं. ७ गण सिरहाको ‘क’ गुल्मको गुल्म फर्मेशनमा परस्परमा सरुवा गरिएको हो। सशस्त्र प्रहरी बल नेपाल नं. ३ गढीमाई वाहिनी मुख्यालय मकवानपुरअन्तर्गत काभ्रे जिल्लामा तैनाथ रहेको नं. १५ गणको ‘क’ गुल्म आश्रीत गुल्मको रूपमा सिन्धुली जिल्लामा तैनाथ थियो भने नं. २ छिन्नमस्ता वाहिनी मुख्यालय महोत्तरी अन्तर्गत सिरहा जिल्लाको नं. ७ गणको ‘क’ गुल्म मार्डरमा रही प्रस्तावित सीमा सुरक्षा गुल्मको रुपमा मातहत ३ वटा बिओपी सहित तैनाथ थियो। एपीएफभित्र बाहिनी, गण, गुल्म र प्लाटुन लगायतका संरचना रहेको छ।…
तनहुँ : डेंगी संक्रमणबाट तनहुँको व्यास नगरपालिका–४ शितलचोकका ६ वर्षीय बालकको मृत्यु भएको छ। उनको गण्डकी मेडिकल कलेजमा उपचारका क्रममा आज मृत्यु भएको हो। दमौलीस्थित कन्काई ग्लोबल एकेडेमीमा अध्ययनरत उनको निधनमा विद्यालयले आज शोक बिदा दिएको छ। ६ वर्षीय बालकको निधनसँगै व्यास नगरपालिकामा डेंगीबाट मृत्यु हुनेको संख्या ५ पुगेको छ।
धनगढी : एकदिवसीय विश्वकप क्रिकेटमा आज बंगलादेश र न्युजिल्याण्ड भिड्दैछन्। यी दुई टोलीबीचको खेल भारतको चेन्नेईमा दिउँसो सवा २ बजे शुरु हुनेछ। जारी प्रतियोगितामा न्युजिल्याण्ड लगातार २ खेलमा जित निकाल्दै तालिकाको दोस्रो स्थानमा छ। एकमा जित र एकमा हारको नतिजा निकालेको बंगलादेश छैटौँ स्थानमा छ। न्युजिल्याण्ड आज लगातार तेस्रो जितको खोजीमा रहँदा बंगलादेश भने दोस्रो जित निकाल्ने ध्याउन्नमा हुनेछ। यी दुई टोलीबीचका पछिल्ला ५ खेलमा ४ खेल न्यूजिल्याण्डले जित्दा एक खेल नतिजाविहीन भएको छ। यसअघि गएराति सकिएको खेलमा दक्षिण अफ्रिकाले अष्ट्रेलियाविरुद्ध कीर्तिमानी जित निकालेको थियो।
धनगढी : गत भदौमा कैलालीका धनबहादुर चौधरी ‘लर्न एण्ड अर्न’ कार्यक्रम अन्र्तगत इजरायल गएका थिए। उनी किबुजस्थित एक कृषि फार्ममा आफ्ना १६ जना नेपाली विद्यार्थी साथीहरूसँगै काम गर्दै आएका थिए। शनिबार बिहान साथीहरू सँग बसिरहेको समयमा बिहान करिब ८ बजे हमासले आक्रमण गर्यो। आक्रमणमा परेर धनबहादुर घाइते भए। साथीहरू नारायणप्रसाद न्यौपाने, आशीष चौधरी, दीपेशराज विष्ट, लोकेन्द्रसिंह धामी, गणेशकुमार नेपाली, आनन्द साह, राजेशकुमार स्वर्णकार, राजन फुलासा, पदम थापा र प्रवेश भण्डारीको ज्यान गयो। अन्य तीन जना घाइते भए। दुई जना भने सकुशल छन्। बंकर भित्र लुकीरहेको अवस्थामा उनीहरू माथि हमासले आक्रमण गरेको थियो। हमासको अप्रत्याशित आक्रमणपछि अटोमेटिक बजेको इजरायलको साइरनपछि नेपाली…
डडेल्धुराः डडेल्धुराको अजयमेरु गाउँपालिका–६ सिम दोगडामा अवस्थित गंगेश्वर देवताको जाँत (गंगास्नान) मेला भोलि अर्थात् असोज २७ गते लाग्ने भएको छ। गंगेश्वर धाममा लाग्ने स्थानयी भाषामा गंगानान भनेर चिनिने मेला असोज २७ को राति लाग्ने भएको हो। दशैंको पूर्वसन्ध्या तथा पितृ बिसर्जन औंसीको राति रतेडि र घटस्थापनाको बिहान दिउसेडी मेला लाग्ने गंगेश्वर मन्दिरका पुजारी प्रेमराज पन्तले बताए। डोटेली नदी र सोर्नया नदीको मिलन हुने स्थल (दोभान)मा रहेको गंगेश्वर मन्दिरको धाममा मेला लाग्ने उनले बताए। मेलामा अजयमेरु गाँउपालिकाको राजुलगाँउ, भण्डारीगाँउ, भागेश्वर गाउँपालिकाको बोगटागाँउ र मेलौली नगरपालिकाको कोटीगाँउबाट देउरा जाने गर्दछन्। गंगेश्वर मन्दिरको धाममा लाग्ने गंगास्नान मेला वर्षको दुईचोटि लाग्ने गर्दछ। असोज औंसीको…
काठमाडौं: सरकारले बिहीबार राति इजरायलबाट २५४ जना नेपाली नागरिकलाई उद्धार गरी नेपाल ल्याइएको छ । उद्धारपछि परराष्ट्र मन्त्री एनपी साउदले इजरायलबाट नेपाल फर्कन चाहना राखेका ५ सय ३ जनामध्ये २ सय ५४ जनालाई नेपाल ल्याइएको र अन्यलाई पनि छिट्टै नेपाल ल्याइने जानकारी दिएका छन् । उद्धार गरि ल्याइएको भिडमा कञ्चनपुरको महेन्द्रनगरकी श्वेता भट्ट पनि थिइन् । बिहान त्रिभुवन अन्तर्राष्ट्रिय विमानस्थलमा झरेपछि उनले इजरायलको लडाइँ प्रत्यक्ष हेरेको बताइन् । उनले भनिन्, ‘एकदमै खुसी छौं । म त यो प्रक्रिया एकदमै लामो हुन्छ, हामीलाई एकदमै गाह्रो हुन्छ नै सोचिराको थिए । किनभने अझ धेरै देशहरुले आफ्ना नागरिकहरुलाई उद्धार गरिसकेको छैन । तर,…
डडेल्धुरा: युवाहरुले जिल्ला प्रहरी कार्यालय डडेल्धुरालाई खेलकुद पोसाक(जर्सी) सहयोग गरेका छन् । प्रहरी दिवसमा हुने खेलकुदका लागि युवाहरुको समूहले २१ थान जर्सी सहयोग गरेका हुन् । २१ मध्ये ६ सेट शिशिर फेन्सी स्टोर, ५ सेट भूमिराज डिजिटल हब र ५/५ सेट सामाजिक अभियन्ता सुरत तमोली तथा सन्तोष ऐरले दिएका थिए ।
धनगढीः धनगढीमा लागुऔषधसहित एक किशोर पक्राउ परेका छन्। धनगढी उपमहानरपालिका–१० गणपती ईटाभट्टा नजिकबाट ९४० मिलिग्राम लागूऔषधसहित सोही ठाँउका १७ वर्षीय किशोर बिहीवार साँझ पक्राउ परेका हुन्। जिल्ला प्रहरी कार्यालय कैलाली र अस्थायी प्रहरी पोष्ट जुगेडाबाट खटिइएको संयुक्त प्रहरी टोलीले चेकजाँच गर्दा उनको साथबाट लागुऔषध फेला पारी पक्राउ गरेको बताइएको छ। यस सम्बन्धमा प्रहरीले थप अनुसन्धान गरिरहेको जानकारी दिएको छ।
काठमाडौं : बझाङमा फेरि भूकम्पको धक्का महसुस गरिएको छ । गएराति बझाङ र बागलुङमा भूकम्प गएको हो । बागलुङमा गएराति १२ बजेर ३१ मिनेटमा ४.४ म्याग्निच्युडको भूकम्प गएको राष्ट्रिय भूकम्प मापन तथा अनुसन्धान केन्द्रले जनाएको छ । बझाङमा १ः५१ बजे ५.० म्याग्निच्युडको भूकम्प गएको केन्द्रले बताएको छ । बझाङको चैनपुर केन्द्रबिन्दु भएर गत मंगलबार ६.३ म्याग्निट्यूडको भूकम्प गएको थियो ।