धनगढी: कैलालीको धनगढीमा राष्ट्रिय वाणिज्य बैंकको वार्षिकोत्सब मनाइदै छ। हिजो (शुक्रबार) बाट बैंकको ५९ औं वार्षिकोत्सब मनाउन थालिएको हो।
सुदूरपश्चिमभरका शाखाहरुसहितले बैंकको प्रादेशिक कार्यालय रहेको धनगढीमा वार्षिकोत्सब मनाइरहेको बैंकका प्रादेशिक प्रवन्ध राजेन्द्र आचार्यले जानकारी दिए।
उनका अनुसार हिजो रक्तदान कार्यक्रम गरिएको थियो। जसमा १०० जना कर्मचारीले रक्तदान गरेको उनले बताए।
यस्तै आज (शनिबार) बिहान प्रभातफेरी कार्यक्रम, स्वास्थ्य शिविर खेलकुदका कार्यक्रम गरिएको छ भने वार्षिकोत्सबको दिन माघ १० गते सबै कार्यक्रम समापन गरिने बताइएको छ।
सुदूरपश्चिममा २४ शाखा रहेको यस बैंकको राम्रो नाफा, निक्षेप र कर्जा प्रवाह रहेको बुझिन्छ।
Facebook Comments Box