धनगढी : भारतको अयोध्यामा नवनिर्मित राम मन्दिरको प्राण प्रतिष्ठाका दिन भोलि काठमाडौंमा दीप प्रज्वलनका साथै दिव्य भण्डारा प्रसादको आयोजना गरिएको छ ।
जगद्गुरु रामानन्दाचार्य स्वामी श्रीरामकृष्णाचार्य महायोगी सिद्धबाबाको कृपा प्रेरणाले श्री जगद्गुरु रामानन्दाचार्य सेवा पीठ प्राचीन हरिद्वार-वराहक्षेत्र, चतराधाम एवं महायोगी सिद्धबाबा आध्यात्मिक प्रतिष्ठान भक्तपुर थिमीको संयुक्त आयोजनामा दिव्य भण्डारा आयोजना गर्न लागिएको हो ।
भोलि नै मध्यान्हमा भगवान श्रीरामको षोड्शोपचार पूजनसहित महाआरती समेत हुने आयोजकले जनाएको छ । साथै साँझमा आश्रम लगायत सबैका घरघरमा दीपावली गरेर श्री रामजीको प्राण प्रतिष्ठा महोत्सव भव्यरुपले मनाइने छ ।
कार्यक्रममा नेपालका विभिन्न ठाउँ लगायत भारत, अमेरिका, क्यानाडा, बेलायत, अस्ट्रेलिया, फ्रान्स, डेनमार्क लगायतका देशबाट समेत भक्तजन सहभागी हुने जनाइएको छ ।
यो भण्डारा सशस्त्रका पूर्व आइजीपी शैलेन्द्र श्रेष्ठसहितको टिमले लगाइरहेको हो।
राम मन्दिरको प्राण प्रतिष्ठाको अवसरमा आज आइतबार समेत काठमाडौं विभिन्न कार्यक्रम मनाइएको छ ।
