डडेल्धुरा : पूर्व जलस्रोत मन्त्री लालबहादुर खडायतको निधन भएको छ।
डडेल्धुराको अमरगढी नगरपालिका–२ सोल्परी घर भएका खडायतको आज (शुक्रबार) निधन भएको हो।
पारिवारिक स्रोतका अनुसार उनी गत असोजदेखि अस्वस्थ रहेका थिए। उनको काठमाडौंकै एक अस्पतालमा शुक्रबार निधन भएको बताइएको छ।
डडेल्धुरा घर भएका खडायत पछिल्लो समयमा काठमाडौं बस्दै आएका थिए। राष्ट्रिय पञ्चायत कालमा डडेल्धुराबाट पटकपटक संसद सदस्यमा प्रतिनिधित्व गर्दै आएका थिए।
उनी २०२५ भूमि सुधार मन्त्री, २०३० मा कानुन तथा न्यायमन्त्री, २०३० खाद्य कृषि तथा भूमि सुधार मन्त्री र २०३८ मा सूर्यबहादुर थापा प्रधानमन्त्री हुँदा जलस्रोत मन्त्री बनेका थिए।
Facebook Comments Box