धनगढीः सशस्त्र प्रहरी बल नेपालले डिएसपीहरुको सरुवा गरेको छ। जसमा सुदूरपश्चिम प्रदेशका पनि केही गुल्मपति र कमाण्डरहरु फेरिएका छन्। जसअनुसार सशस्त्र प्रहरी नायब उपरीक्षक इश्वरीदत्त भट्टले नं ५ गण हेडक्वाटर शैलेश्वरी कञ्चनपुर गुल्मपतिको जिम्मेवारी पाएका छन्। सशस्त्र प्रहरी नायब उपरीक्षक खेमराज ठकुल्लाले नं ३४ गण हेड क्वाटर कैलाली गुल्मपतिको जिम्मेवारी पाएका छन्। त्यस्तै, डिएसपीहरु भरतबहादुर बिसीले प्रस्तावित सीमा सुरक्षा गुल्म त्रिनगर कैलाली कमाण्ड र सुदन आचार्यले प्रस्तावित सीमा सुरक्षा गुल्म गड्डाचौकी कञ्चनपुर कमाण्डको जिम्मेवारी पाएका छन्। अरु को कहाँ ?
Author: महेन्द्रनगर पोष्ट
काठमाडौँ: राष्ट्रिय तथ्यांक कार्यालयले सार्वजनिक गरेको राष्ट्रिय जनगणना २०७८ को प्रतिवेदनअनुसार संघीय राजधानी काठमाडौँ सबैभन्दा धेरै जनसंख्या र जनघनत्व भएको जिल्ला हो । देशका अरू जिल्लाको तुलनामा काठमाडौँमा सबैभन्दा धेरै २० लाख ४१ हजार पाँच सय ८७ जनसंख्या रहेको छ । सबैभन्दा कम जनसंख्या भएको जिल्ला भने मनाङ हो । मनाङको जनसंख्या पाँच हजार छ सय ५८ जना छ । राष्ट्रिय जनगणना २०७८ अनुसार नेपालको जनघनत्व प्रतिवर्ग किलोमिटर एक सय ९८ जना छ । दश वर्षअघि अर्थात् २०६८ सालको जनगणनामा जनघनत्व प्रतिवर्ग किलोमिटर एक सय ८० जना थियो । अहिले तराई क्षेत्रमा प्रतिवर्ग किलोमिटर चार सय ६० र हिमाली क्षेत्रमा…
काठमाडौँ: सत्तारूढ गठबन्धन नेपाली कांग्रेसका सांसद डाक्टर सुनिल शर्माले अर्थमन्त्री र गृहमन्त्रीको राजीनामा माग गरेका छन् । आज बुधवारको संसद् बैठकमा सांसद शर्माले सुन तस्करी प्रकरणको नैतिक जिम्मेवारी लिँदै अर्थमन्त्री डाक्टर प्रकाशशरण महत र गृहमन्त्री नारायणकाजी श्रेष्ठको राजीनामा मागेका हुन् । राजीनामा नदिए संसदभित्रै आमरण अनशन बस्ने पनि शर्माले चेतावनी दिएका छन् ।
मध्यविन्दु: नवलपरासी ९बर्दघाट सुस्तापूर्व०को बौदिकाली गाउँपालिका–६ मा जङ्गली च्याउ खाँदा दुईजनाको मृत्यु भएको छ । जिल्ला प्रहरी कार्यालय नवलपरासी (बर्दघाट सुस्तापूर्व)का प्रहरी उपरीक्षक भुवनेश्वर तिवारीले बौदिकाली–६ माझडाँडाका ९९ वर्षीय लीला आले र ६६ वर्षीय उमाकुमारी आलेको जङ्गली च्याउ खाँदा मृत्यु भएको बताए । उनीहरुले गत शुक्रबार स्थानीय जङ्गलमा पाइने च्याउ पकाएर खाएका जनाइएको छ । जङ्गली च्याउ खाएकामध्ये ललिता आले मगर, तारा आले र खगिरसार सिञ्जाली पनि बिरामी भएकामा उनीहरुको उपचारपछि निको भएका छन् । बिरामी भएका लीला र उमाकुमारीलाई स्थानीय स्वास्थ्य चौकीमा उपचार हुन नसकेपछि चितवन मेडिकल कलेज भरतपुर लगिएको थियो । स्थानीय नेत्रबहादुर सारुले भने, “उपचारका क्रममा मंगलबार…
एजेन्सी: भारतीय कांग्रेसले प्रधानमन्त्री नरेन्द्र मोदीविरुद्ध अविश्वास प्रस्तावको सूचना दर्ता गराएको छ । अविश्वास प्रस्तावको सूचनालाई दर्ता गराउन सभाका अध्यक्ष ओम बिरलाले स्वीकृति दिएका बीबीसी हिन्दीले जनाएको छ । कांग्रेसका सचेतक मनिकम टेगोरका अनुसार विपक्षी दलको तर्फका कांग्रेसका सांसद गौरव गोगोईले अविश्वासको प्रस्ताव पेस गर्नेछन् । अविश्वासको प्रस्तावमा सबै विपक्षी सांसदको समर्थन रहेको कांग्रेस आईको दाबी छ । मणिपुर हिंसामा सरकारले अभिभावकीय भूमिका खेल्न नसकेको र देशमा निरङ्कुशता हाबी भएको भन्दै विपक्षीले मोदीविरुद्ध अविश्वास प्रस्तावको सूचना दिएको दाबी गरेका छन् । तर प्रधानमन्त्री मोदीसँग बहुमत भएकाले अविश्वासको प्रस्ताव पास हुने सम्भावना भने नरहेको भारतीय सञ्चारमाध्यमले जनाएका छन् । अविश्वासको प्रस्तावमाथिको…
काठमाडौँ: सुनको मूल्य आज तोलामा पाँच सय रुपैयाँले बढेको छ । नेपाल सुनचाँदी व्यवसायी महासंघका अनुसार सुनको मूल्य तोलामा एक लाख १२ हजार सात सय रुपैयाँ पुगेको छ । त्यस्तै, आज चाँदीको मूल्य पनि तोलामा १० रुपैयाँले बढेर एक हजार चार सय ६५ रुपैयाँमा कारोबार भइरहेको छ ।
कैलाली: कैलालीका कृष्णप्रसाद खनाल कर्णाली नदीमा डुबेर बेपत्ता भएका छन् । जिल्लाको मोहन्याल गाउँपालिका–७ का ४५ वर्षीय खनाल सोही वडाको बडिगाउँस्थित कर्णाली नदीमा डुबेर बेपत्ता भएका हुन् । उनी हिजो (मंगलवार) साँझ नुहाउने क्रममा डुबेर बेपत्ता भएका प्रहरीले बताएको छ । उनको खोजी कार्य भइरहेको प्रहरीले जनाएको छ ।
कञ्चनपुर: कञ्चनपुरमा एक युवक लागुऔषधसहित समातिएका छन् । जिल्लाको भीमदत्त नगरपालिका–१८ का २८ वर्षीय हेमराज भट्टलाई मंगलवार प्रहरीले लागुऔषधसहित पक्राउ गरेको हो । उनलाई भीमदत्त–१० गड्डाचौकी ब्यारेल नजिकबाट लागुऔषध फेनरागन ९ एम्पुल, रेक्सोजेसिक ११ एम्पुल, डाइजेपाम १ एम्पुल र ०.०६ ग्राम खैरोहिरोइनसहित पक्राउ गरिएको कञ्चनपुर प्रहरीले जनाएको छ ।
धनगढी: सशस्त्र प्रहरी बल नेपालले केही डिएसपी र इन्स्पेक्टरको सरुवा गरेको छ। कमाण्ड टु कमाण्डमा नदोहोर्याउने नीति विपरित सशस्त्रले उक्त सरुवा गरेको हो। जसअनुसार डिएसपी दिनेश बस्नेतलाई सिन्धुलीबाट सीमा सुरक्षा गुल्म पिपरपाती, बारामा सरुवा गरिएको स्रोतको दाबी छ। उता रोल्पाका भरत बिसीलाई सीमा सुरक्षा गुल्म त्रिनगर, कैलालीको कमाण्डर बनाइएको छ। यस्तै अर्का डिएसपी विकासभक्त श्रेष्ठलाई सशस्त्र प्रहरी स्कूल कोहलपुर, बाँकेबाट सीमा नाका जमुनाहा गुल्म बाँकेमा इन्चार्ज बनाइएको छ। त्यस्तै, डिएसपी नरबहादुर शाहीलाई दैलेखबाट बर्दियाको राजापुरस्थित बिओपी गुल्ममा सरुवा गरिएको छ। अर्का डिएसपी दिपक भट्टलाई कञ्चनपुर बिओपी गुल्मबाट जोल्जिवी दार्चुला र इन्सपेक्टर कविन्द्र महर्जनलाई बिओपी गुल्म मटिअर्वा सरुवा गरिएको छ।
कैलाली: कैलालीमा लागुऔषधसहित भारतीय नागरिक पक्राउ परेका छन् । जिल्लाको टीकापुर नगरपालिका–९ खग्रौला प्रहरी चेकपोष्ट नजिकबाट भारतीय नागरिक ५१ वर्षीय हरिओम सिंह राजपुत मंगलवार पक्राउ परेका हुन् । सुदूरपश्चिम प्रदेश प्रहरी कार्यालय धनगढी र प्रहरी चौकी कालाकुण्डा कैलालीबाट खटिएको संयुक्त प्रहरी टोलीले उनको युपी ३१ बी एक्स ६८९७ नम्बरको मोटरसाइकलमा लुकाई राखेको ६ ग्राम ६० मिलिग्राम लागुऔषध फेलापारी पक्राउ गरेको हो ।