बाजुरा: बाजुरामा चट्याङ लागेर चार भैँसी मरेका छन् । जिल्लाको बडीमालिका नगरपालिका-७ मा शुक्रवार राति चट्याङ लागेर ४ भैँसी र एक गाई मरेका छन् । स्थानीय प्रेम खत्री, सत्या खत्री, गोरे पाध्याय र पृथु गुरुङका एक/एक भैँसी मरेका हुन् भने खडकलाल जैशीको एक गाई मरेको वडा अध्यक्ष धर्मराज पाध्यायले बताए ।
Author: महेन्द्रनगर पोष्ट
टोकियो: जापानको नागोयामा एक नेपाली विद्यार्थीको निधन भएको छ । ताप्लेजुङ सांथाक्रा स्थायी घर भै हाल नागोयाको नाकामुरा वार्डस्थित Aeiou जापानी भाषा विद्यालयमा अध्ययनरत १९ वर्षीय बचन क़ेदेम लिम्बुको हृदयघातबाट निधन भएको हो । लिम्बुको हृदयघातबाट निधन भएको अस्पतालले जानकारी दिएको एनआरएनएका आइसीसी सदस्य दिपक कार्कीले जानकारी दिए । उनी ४ महिनाअघि मात्रै जापान आएका बताइएको छ ।
काठमाडौं: नागरिक उन्मुक्ति पार्टीका संरक्षक रेशम चौधरीले आफू हत्यारा भएको भए मान्छेले किन यसरी स्वागत गर्थे भन्दै प्रश्न गरेका छन्। शनिवार सुर्खेत पुगेका चौधरीले विमानस्थलमा आफूलाई गरिएको स्वागतपछि यस्तो प्रश्न गरेका हुन् । उनले आफूलाई विमानस्थलमा यस्तो स्वागत होला भनेर नसोचेको बताउँदै भने, ‘म एउटा हत्यारा भएको भए मलाई मान्छेले यसरी किन स्वागत गर्थे होला ?’
बैतडी: बैतडीको पुर्चाैँडी नगपालिकामा सशस्त्र प्रहरीको सुरक्षा बेश क्याम्प स्थापना गरिने भएको छ । नगरपालिकाको केन्द्र हाटमा क्याम्प स्थापना गरिने भएको हो । गृह मन्त्रालयले अनुमति दिइसकेको र सशस्त्र प्रहरीको विभागबाट पनि अनुमति पाए छिट्टै सुरक्षा बेश क्याम्प स्थापना हुने प्रमुख जिल्ला अधिकारी सुरेश पन्थीले बताए । सुरक्षा संवेदनशीलतालाई ध्यानमा राख्दै बेश क्याम्प स्थापना गर्न लागिएको हो ।
काठमाडौँ: नेपाली काँग्रेसका महामन्त्री गगनकुमार थापाले गठबन्धनले चित्त बुझ्नेगरी काम नगरे गठबन्धन फेरिने बताएका छन्। शनिवार काठमाडौंमा आयोजित एक कार्यक्रमलाई सम्बोधन गर्दै उनले यस्तो बताएका हुन्। उनले भने, ‘हाम्रो पार्टीका लागि मान्छे ज्यान गए जाओस्, काँग्रेस छोड्दिन भन्छ भने आज हामी सरकार गए जाओस् भन्न नसक्ने ? जाओस् न त सरकार । ५ वर्ष जाओस्, १० वर्ष जाओस् । हेर्दा सानो देखिन्छ । हामीले प्रायश्चित गर्नैपर्छ की हामीले हाम्रो सरकार नबन्ला, अरुको सरकार बन्ला भन्ने डरले चुनावअघि नै गठबन्धन गर्यौँ । चुनाव पछाडि सरकार बन्ने, बदल्ने सामान्य कुरा हो।, नेता थापाले गठबन्धनले चित्त बुझ्नेगरी काम नगरे गठबन्धन फेरेर नयाँ सरकार…
धनगढीः ‘एसपिए सुदूरपश्चिम स्पोर्टस अवार्ड २०७९’ लाई धनगढीको सीपी अस्पतालले साथ दिएकोछ। असार १५ गते धनगढीको ओम प्यालेसमा हुने अवार्डमा सिपी अस्पतालले साथ दिएको हो। सीपी अस्पताल अवार्डको हस्पिटल पार्टनरको रुपमा अवार्डमा जोडिएको हो। सीपी अस्पतालका अध्यक्ष सिपी पाण्डेय र नेपाल खेलकुद पत्रकार मञ्च कैलालीको तर्फबाट उपाध्यक्ष दिनेश बिष्टले सम्झौता पत्रमा हस्ताक्षर गरे। सिपी अस्पतालमा स्त्री तथा प्रसुति रोग, जनरल सर्जरी, युरो सर्जरी, जनरल मेडिसिन, अर्थोपेडिक, गाईने, रेडियोलोजी र फिजियोथेरापी सेवाहरु दैनिक संचालनमा रहेका छन्। आगामी दिनहरुमा पनि अस्पताल थप अत्याधुनिक सुविधा सहित नयां विभागहरु विस्तार गर्ने योजनामा रहेको छ। आयोजक नेपाल खेलकुद पत्रकार मञ्च कैलालीले ६ वटा विधाहरुको मनोनयन…
धनगढी: जिल्ला प्रहरी कार्यालय बारामा कार्यरत वरिष्ठ प्रहरी नायव निरीक्षक (सई) सागर सम्शेर जबरा अस्ति असार ७ गते सम्मानित भए। उनी २०७९ सालको उत्कृष्ट प्रहरी (बेस्ट पुलिस अफ दी ईयर) घोषित भएका थिए। आफ्नो जिम्मेवारी त्रुटिरहीत तरिकाले निर्वाह गरेको भन्दै उनलाई सम्मान गरिएको थियो। यस्तै, मातहातका क्षेत्रहरुमा पनि अप्रिय घटनाको अनुसन्धान गर्न अहम भूमिका निर्वाह गरेको भन्दै उनले स्याबासी पाएका थिए। बाराका एसपी होबिन्द्र बोगटीले उनलाई उत्कृष्ट प्रहरीको रुपमा सम्मान गरेका थिए। तर त्यो सम्मान ग्रहण गरेको भोलिपल्ट नै उनी कारबाहीमा परेका छन्। हिजोमात्रै मधेस प्रदेशमा लामो समयदेखि कार्यरत घुमुवा प्रहरीहरूलाई पहाडी जिल्लामा खटाईएको प्रहरी प्रधान कार्यालयले जनाएको छ। जसमा ती…
बर्दिया: बर्दियाको मधुवन नगरपालिका–८ टिसियन फाँटामा ‘सेनिटाइजर’जस्तो देखिने तरल पदार्थ सेवन गर्दा दुई जनाको मृत्यु भएको छ । मृत्यु हुनेमा ७० वर्षीया गौरी रजनी र ४० वर्षीया कमला सुनार रहेको जिल्ला प्रहरी कार्यालय बर्दियाका प्रहरी नायब उपरीक्षक हिक्मतबहादुर बोहराले बताए । साथै तरल पदार्थ सेवन गरेका एकै परिवारका ७५ वर्षीय जयबहादुर र ७५ वर्षीया जगतकुमारी गुरुङ गम्भीर बिरामी परेका छन् । उनीहरुलाई गए राति नै उपचारका लागि नेपालगञ्ज पठाइएको प्रहरीले जनाएको छ । घटनाका बारेमा अनुसन्धान भइरहेको प्रहरीले जनाएको छ । रासस
म्याग्दी: म्याग्दीको अन्नपूर्ण गाउँपालिका–३ फुर्केरुख खर्कमा चट्याङ लागेर ४५ भेडा मरेका छन् । अन्नपूर्ण–३ ठाडाका छकबहादुर पुनको गोठमा चट्याङ परेर भेडा मरेका हुन् । अन्नपूर्ण गाउँपालिकाको पशु सेवा शाखाका प्राविधिक प्रकाश जिसीले आज बिहान १ बजेतिर परेको चट्याङले लागेर ४५ भेडा मरेका जानकारी दिए । “बिहानै कृषकले ४५ भेडा मरेको जानकारी गराएपछि हामीहरु घटनास्थलतर्फ जाने तयारीमा छौँ”, उनले भने “चरनका लागि लेकमा लगेका भेडा खर्कमा बास बसेको ठाउँमा चट्याङ पर्दा गोठाला पनि सामान्य घाइते भएका छन् ।” गाउँपालिकाका जनप्रतिनिधि, प्रहरी र जनप्रतिनिधिको टोली घटनास्थलतर्फ गएको छ । घटनास्थलतर्फ जाँदै गरेका अन्नपूर्ण गाउँपालिका–४ का वडासदस्य श्याम पुर्जाले चट्याङ लाखौँको पशुधनको क्षति…
धनगढी: नेकपा एकीकृत समाजवादी पार्टीका सुदूरपश्चिम संसदीय दलका नेता समेत रहेका पूर्वमन्त्री दीर्घबहादुर सोडारीका योजना काटिएका छन्। सोडारी मन्त्री हुँदा बहुबर्षिय ठेक्का लागेका कैलालीका पूर्वाधारका योजना काटिएको बताइएको हो। हालका काँग्रेसका भौतिक पूर्वाधार विकासमन्त्री प्रकाशबहादुर देउवाले योजना काटेको आरोप लागेको हो। सुदूरपश्चिम प्रदेश सरकारले ल्याएको बजेटमा योजना काटिएको दाबी गरिएको छ। कैलाली निर्वाचन क्षेत्र नं ४ मा चालु आर्थिक वर्षमा ठेक्का भएर काम सुचारु भएका योजनाहरुको बजेट पनि काटिएको छ। बजेट काटिएपछि स्थानीयहरुले विरोध जनाएका छन्। यो निर्वाचन क्षेत्र कांग्रेसका प्रदेश सभापति वीरबहादुर बलायरको निर्वाचन क्षेत्र पनि हो। स्रोतका अनुसार आर्थिक वर्ष २०७९÷०८० को वार्षिक कार्यक्रम पुस्तिकामा समावेश भई आर्थिक…