धनगढी: सुदूरपश्चिमका आन्तरिक मामिला तथा कानुनमन्त्री पृथ्वीबहादुर सिंह सवार गाडी दुर्घटनामा घाइते भएका चालक र निजी सुरक्षा अधिकारी (पीएसओ) को स्वास्थ्य अवस्था सुधार हुँदै गएको छ। बाँकेको कोहलपुरमा उपचाररत चालक धर्मराज जोशी र मन्त्रीका पीएसओ प्रहरी सहायक हवलदार दीपक भण्डारीको स्वास्थ्य अवस्था सुधार हुँदै गएको जिल्ला प्रहरी कार्यालय बझाङले जनाएको हो । मन्त्री सिंहसहित उनीहरु दुबै जनालाई सेनाको हेलिकप्टरमार्फत उपचारका लागि कोहलपुर लगिएको थियो । मन्त्री सिंहको कोहलपुर मेडिकल कलेजमा उपचारको क्रममा निधन भयो भने उनकी पत्नी अमृता सिंह र भाउजू जयादेवी सिंहको पनि स्थानीय अस्पतालमै मृत्यु भएको थियो । मन्त्रीसहित उनीहरु सवार सु प प्र ०१००१ झ ४८० नम्बरको…
Author: महेन्द्रनगर पोष्ट
काठमाडौँ: अन्तर्राष्ट्रिय योग दिवस नेपालमा पनि आज विभिन्न कार्यक्रम आयोजना गरी मनाइँदै छ । अन्तर्राष्ट्रिय योग दिवस हरेक वर्ष जुन २१ तारिखका दिन विभिन्न जनचेतनामूलक कार्यक्रम आयोजना गरी मनाइन्छ । संयुक्त राष्ट्र सङ्घको महासभाले सन् २०१४ मा गरेको निर्णयअनुसार सन् २०१५ जुन २१ देखि अन्तर्राष्ट्रिय योग दिवस मनाउन थालिएको हो । भारतीय प्रधानमन्त्री नरेन्द्र दामोदर दास मोदीले संयुक्त राष्ट्र सङ्घको ६९औँ महासभामा योग सबैका लागि सधैँका लागि आवश्यक भएकाले अन्तर्राष्ट्रिय योग दिवसको घोषणा गर्न प्रस्ताव गरेको थियो । सो प्रस्तावमा नेपालका तत्कालीन प्रधानमन्त्री सुशील कोइरालाले पहिलो समर्थन गरेपछि युरोपियन युनियनलगायत संयुक्त राष्ट्र सङ्घका स्थायी सदस्य राष्ट्रले समर्थन गरेका थिए ।…
धनगढीः आज कैलालीको अत्तरिया बजार बन्द गरिएको छ । आन्दोलनकारीहरुले आफ्ना चार जना कार्यकर्तालाई प्रहरीले पक्राउ गरेको विरोधमा अत्तरिया बजार बन्द गरेका हुन् । मंगलवार कैलालीको गोदावरी नगरपालिका-३ चौकिडाडाँमा सहिद दशरथ चन्द राष्ट्रिय स्वास्थ्य विज्ञान विश्वविद्यालय स्थापनार्थ संघर्ष समितिका बन्दकर्ताले जिल्ला अदालत बाँकेको गाडी तोडफोड गरेका थिए । प्रहरीले गाडी तोडफोड गरेको भन्दै चार जनालाई नियन्त्रणमा लिएको थियो । सोही विरोधमा बन्दकर्ताले आज अत्तरिया बजार बन्द गरेका छन् । संघर्ष समितिका संयोजक लोकराज पाण्डे (आगो)ले प्रहरीले आन्दोलनमा रहेका युवाहरुलाई पक्राउ गरेर कुटपिट गरी घाइतेसमेत बनाएकाले बजार बन्द गरिएको बताएका छन् ।
बागलुङ: बागलुङमा जिप दुर्घटना हुँदा दुई जनाको मृत्यु भएको छ । गलकोटबाट बागलुङ बजारतर्फ आउँदै गरेको ग१च ९४८५ नम्बरको जिप काठेखोला गाउँपालिका–५ ठुलढुङ्गामा दुर्घटना भएको हो । दुर्घटनामा परी मृत्यु हुने दुवैजनाको सनाखत हुन नसकेको जिल्ला प्रहरी कार्यालयका सूचना अधिकारी मदन केसीले जानकारी दिए । दुवैजनाको घटनास्थलमै मृत्यु भएको हो । जिप मध्यपहाडी लोकमार्गबाट पाँच सय मिटर तल खसेको हो । मृतक दुवै पुरुष रहेको केसीले बताए । जीपमा सवार यात्रुको सङ्ख्या यकिन हुन सकेको छैन । प्रहरी टोली घटनास्थलमा पुगेर उद्धारकार्यमा जुटेको छ । रासस
काठमाडौं: नेपाली सेनाको व्यापारिक मलमा आगलागी भएको छ। महांकाल मन्दिर सामुन्नेको सैनिक भवनको पसल नम्बर ए ५८ मा आगलागी भएको हो। हिजो राति न्युरोड गेटस्थित मलमा भएको आगलागीमा एउटा पसल ध्वस्त भएको बताइएको छ । विद्युत लाइन सर्टबाट आगो लागेको बताइएको छ। उद्धारको लागि पुगेको सैनिक टोलीले पसलबाट झिकेको एक लाख १७ हजार रुपैयाँ पसलधनी छिरिङ डोल्कर लामालाई तत्काल बुझाएको थियो।
धनगढीः कैलालीका एक युवकले इलेक्ट्रोनिक मोटरसाइकल निर्माण गरेका छन्। जिल्लाको गोदावरी नगरपालिका वडा नम्बर ५ गेटाका पारश साउँदले एक लाखको लागतमा मोटरसाइकल निर्माण गरेका हुन। उनले आफ्नो व्यक्तिगत लगानीमा घरमै इलेक्ट्रोनिक मोटरसाइकल निर्माण गरेका छन्। गेटामाको सरस्वती नमुना माध्यमिक विद्यालयमा कक्षा १० मा अध्ययनरत साउँदले घरमै कवाडबाट ल्याएका फलामका सामान प्रयोग गरेर मोटरसाइकलको च्यासिस निर्माण गरेको बताए। उनले अन्य इलेक्ट्रोनिक सामग्री र व्याट्रि खरिद गर्दा कुल एक लाख खर्च भएको बताएका छन्। उनले निर्माण गरेको मोटरसाइकल प्रतिघण्टा ६० किलोमिटर कुद्ने बताइएको छ। एक पटक चार्ज गरेपछि मोटरसाइकल ८० किलोमिटर चल्ने छ। उक्त मोटरसाइकलको मंगलवार गोदावरी नगरपालिकाका नगरप्रमुख विरेन्द्र भट्टले उद्घाटन गरेका…
काठमाडौं: जापानमा एक नेपाली विद्यार्थी मृत फेला परेका छन्। बुधबार जापानको इबाराकीको चुकुवा सिटी कानामेमा रूकुमका ३४ वर्षीय अमृत बुढा मृत फेला परेका हुन्। उनले गत अप्रिलमा सेम्बुन गाक्को सकाएर एउटा कम्पनीमा काम सुरू गरेका थिए। मे २ देखि काममा नगएपछि कम्पनीले अमृतको सोधखोज गरेको थियो। उनी बस्ने घरसम्म सोधखोज गर्दापनि बुढा नभेटिएपछि सोमबार कोठाका खान्द्रीलाई खबर गरी कोठा खोलेर हेर्दा उनी मृत फेला परेको एनआरएनए जापानका वरिष्ठ उपाध्यक्ष नवीन निउरेले जानकारी दिए। उनको शव सडेगलेको अवस्थामा फेला परेको पनि वरिष्ठ उपाध्यक्ष निउरेले जानकारी दिएका छन्। शव सडेगलेको अवस्थामा रहेकाले भोलि दिउँसो साढे १ बजे जापानमै अन्त्येष्टी गर्न लागिएको उनले बताए।
कैलाली: कैलालीको गोदावरी नगरपालिका –२ अत्तरियास्थित बसपार्कबाट ब्राउनसुगरसहित दुईजना पक्राउ परेका छन् मंगलबार राति धनगढी उपमहानगरपलिका–५ का २८ वर्षीय अनमोल शाहले चलाएको से ७ प १४०१ नम्बरको मोटरसाइकल चेकजाँच गर्दा उनको साथबाट २ ग्राम १ सय १० मिलीग्राम ब्राउनसुगर भेटिएको छ । ईलाका प्रहरी कार्यालय मालाखेतीबाट खटिएको प्रहरी टोलीले शाहसँगै मोटरसाइकलमा पछाडि सवार धनगढी उपमहानगरपालिका–६ का १८ वर्षीय जमनसिंह धामीलाई पनि पक्राउ गरेको छ।
कैलाली: कैलालीमा ट्याक्टरबाट खसेर एकजनाको मृत्यु भएको छ। मंगलबार साँझ घोडाघोडी नगरपालिका–६ झलझलीयाको भित्री सडकमा ट्याक्टरबाट खसेर बर्दगोरिया गाउँपालिका–३ खैरेनी शिविरका २७ वर्षीय अर्जुन चौधरीको मृत्यु भएको प्रहरीले जनाएको छ। बर्दगोरिया–३ खैरेनी शिविरकै २७ वर्षीय सुवास चौधरीले चलाएको ना४त ८७१५ नम्बरको ट्याक्टरबाट खस्दा अर्जुनको ज्यान गएको प्रहरीले जानकारी दिएको छ। ट्याक्टर र चालकलाई नियन्त्रणमा लिएर अनुसन्धान भइरहेको प्रहरीले बताएको छ।
बझाङ: बझाङको बुँगलमा नवजात शिशु मृत अवस्थामा फेला परेको छ। प्रहरीका अनुसार मंगलबार साँझ बुँगल नगरपालिका–९ भेडेगैरस्थित देउलिकोटबाट धौलकाँडा बैतडी जाने कच्ची सडकमा सालनाल सहितको नवजात शिशु बेवारिसे मृत अवस्थामा फेला परेको हो। घटना सम्बन्धमा प्रहरीले थप अनुसन्धान गरिरहेको बताइएको छ।