दार्चुला – दार्चुलामा राजनीतिक रुपमा उच्च अहोदामा बसेका व्यक्ति वडा सदस्यमै पराजीत भएका छन् । वडा सदस्य हुँदै जिल्ला समन्वय समितिमा आउने चाहना बनाएर वडामा लगेका उनीहरु सदस्यमै पराजीत भएका हुन् । अहिलेका निर्वतमान जिल्ला समन्वय समिति प्रमुख करबीर बहादुर कार्की वडा सदस्यमा पराजीत भए । दुहुँ गाउँपालिका ४ बाट उम्मेदवार बनेका कार्कीको वडामा एमालेले पूरै प्यानल विजयी गरायो । नेकपा माओवादी केन्द्रका महाकाली नगर कमिटी अध्यक्ष गणेशसिह खत्री वडा सदस्यमा पराजीत भए । महाकाली नगरपालिका वडा नम्बर ५ मा नेपाली काग्रेसको चुनाव चिन्ह लिएर चुनावमा गएका खत्री पराजीत भए । खत्री यसअघि नेकपा माओवादी केन्द्रका जिल्ला अध्यक्ष थिए ।…
Author: महेन्द्रनगर पोष्ट
कैलाली- कैलालीको गोदावरी नगरपालिकाका निर्वाचन अधिकृतको कार्यालयमा स्वस्तिक छाप फेला परेपछि मतगणना स्थगित भएको छ । निर्वाचन अधिकृत राजेन्द्र भण्डारीको कार्यकक्षमा मतपत्रमा लगाउने स्वस्तिक छाप भेटिएपछि नेकपा एमालेले विरोध गर्दा मतगणना स्थगित भएको हो । स्वस्तिक छाप फेला परेको कोठामा गठबन्धन निकटका मानिने गोदावरी नगरपालिकाका एक जना कर्मचारी समेत भेटिएकाले छाप लगाएर मतपत्र साटासाट गर्ने काम गरिएको आशंका एमालेले गरेको छ । सत्तारुढ गठबन्धनले चुनावमा धाधँली गर्ने उद्देश्यले स्वस्तिक छाप निर्वाचन अधिकृतको कार्यालयमा फेला परेको भन्दै विरोध जनाएको छ । गोदावरी नगरपालिकाका निर्वाचन अधिकृत राजेन्द्र भण्डारीले समेत मतगणना स्थलमा स्वस्तिक छाप भेटिएको स्विकार गरेका छन् । तर कहाँबाट कसले ल्याएर…
काठमाडाैं – प्रमुख प्रतिपक्ष दल नेकपा एमालेले नौ महिनादेखिको संसद् बैठककाे अवरोध हटाएको छ । नौ महिनापछि आज मङ्गलवार एमालेले संसद् बैठकमा अवरोध नगरेको हाे । आजकाे बैठकको सुरुमै एमालेका उपमहासचिव प्रदीपकुमार ज्ञवालीले बैठकलाई सम्बोधन गरेका छन् । उनले सभामुखले गलत गरेको र पक्षपातपूर्ण व्यवहार गरेको आरोप लगाएका छन् । एमालेले अवरोध छाडेसँगै संसदको बजेट अधिवेशन हुने भएको छ । आफूले हटाएका १४ जना सांसदलाई बर्खास्त नगरेको भन्दै सभामुखको विरोधमा एमालेले गएको भदौ २३ गतदेखि निरन्तर संसद् बैठक अवरोध गर्दै आएको थियो ।
काठमाडौं – नेपालमा पछिल्लो २४ घण्टामा थप १९ जनामा कोरोना संक्रमण पुष्टी भएका छ । स्वास्थ्य मन्त्रालयका अनुसार देशभरका विभिन्न प्रयोगशालामा गरिएको ४१९७ नमूना परिक्षणमा उक्त संख्यामा कोरोना पुष्टी भएको हो । मन्त्रालयका अनुसार उक्त अवधिमा देशभर १८ जना संक्रमणमुक्त भएका छन् । अहिलेको अवस्थामा नेपालमा १४९ जना सक्रिय संक्रमित रहेको पनि मन्त्रालयले जनाएको छ ।
काठमाडौं – काठमाडौं महानगरपालिकाको जारी मतगणनामा स्वतन्त्र उम्मेदवार बालेन साहले अग्रतालाई कायम राखेका छन् । उनले ११४३४ मत पाएका छन् भने उनका निकटतम प्रतिद्वन्द्वी एमालेका केशव स्थापितले ६२५८ मत पाएका छन् । स्थापित र साह बीचको मतान्तर ५१७६ देखिएको छ । यस्तै मेयरका अर्का उम्मेदवार सिर्जना सिंहले ५४०८ मत पाएकी छन् ।
दार्चुला – स्थानीय तहको निर्वाचनमा सत्तारुढ गठबन्धनबीच तालमेल भए पनि दार्चुलाका ९ वटा पालिकाको नतिजालाई विश्लेषण गर्ने हो गठबन्धनले खासै प्रभाव पारेको देखिन्न । केही पालिकाका सत्तारुढ गठबन्धनका बाबजुद एमालेले शानदार जित हासिल गरेकोमात्र होइन, विगतमा नेपाली काँग्रेसले जितेका पदमा समेत बाजी मारेको छ । केही पालिकामा भने गठबन्धनका कारण एमालेले आफ्नो वर्चश्व गुमाउनु परेको देखिन्छ । यतिमात्र होइन, गठबन्धन घटक बीचको तालमेलबाट फाइदा हुन्छ भन्ने भ्रम पनि काँग्रेसको हकमा तोडिएको उदाहरण दार्चुलाकै व्यास गाउँपालिकाको मत परिणामले दिएको छ । अपिहिल गाउँपालिका:अघिल्लो निर्वाचनमा पराजित भएकाहरु गठबन्धनको बलमा निर्वाचितअपिहिमाल गाउँपालिकामा सत्तारुढ गठबन्धनले नेकपा एमालेको वर्चश्व तोडेको छ । २०७४ सालको निर्वाचनमा…
काठमाडौं – प्रधानमन्त्री शेरबहादुर देउवाका भाई प्रेमबहादुर देउवाको निधन भएको छ । काठमाडौंको वीर अस्पतालमा क्यान्सरको उपचार गराईरहेका प्रेमबहादुरको उपचारका क्रममा सोमबार राति निधन भएको नेपाली कांग्रेसका केन्द्रीय सदस्य नैनसिंह महरले जानकारी दिए । डडेल्धुरा घर भएका प्रेमबहादुर देउवाको निधनबाट कांग्रेसलाई क्षति भएको महरले बताए ।
दार्चुला – उद्योग, वाणिज्य तथा आपूर्तिमन्त्री दिलेन्द्रप्रसाद बडूको गृह जिल्ला दार्चुलामा नेपाली कांग्रेस ‘क्लीन स्वीप’ भएको छ । जिल्लाका ९ ओटा स्थानीय तहमध्ये कांग्रेस कुनै पनि स्थानीय तहमा नेतृत्वमा पुग्न सकेन् । स्थानीय तहको निर्वाचनमा कांग्रेसले ५ ओटा स्थानीय तहमा जित हात पारेको थियो । तर यो पटक भने कांग्रेस जिल्लामा शून्य भएको छ । ९ मध्ये ५ मा नेकपा एमालेका उम्मेदवार प्रमुख पदमा जितेका छन् भने ४ मा नेकपा माओवादी केन्द्रका उम्मेदवार विजयी भएका छन् । दुहुँ गाउँपालिकाको अध्यक्षमा एमालेका नरेन्द्रबहादुर सिंह बडाल, ब्यास गाउँपालिकामा एमालेका मंगलसिंह धामी, महाकाली नगरपालिकामा एमालेका नरसिंह चैसिर, मालिकार्जुन गाउँपालिका एमालेका हिरासिंह धामी, शैल्यशिखर…
बैतडी – बैतडीको मेलौली नगरपालिकाको वडा नम्बर नं. ८ मा नेकपा एमालेका उम्मेदवार विजयी भएका छन् । मतपरिणाम अनुसार मेलौली–८ को वडाध्यक्षमा एमालेका तपेन्द्र सिंह विष्ट विजयी भएका हुन् । सिंह सम्भवतः नेपालकै कान्छा वडाध्यक्ष भएको जनाइएको छ । २२ वर्षीय विष्टले ३३८ मत प्राप्त गरेका थिए । उनले नेपाली काँग्रेसका शम्भु सिह बिष्टलाई ८० मतान्तरले पछि पार्दै बिष्ट बिजयी भएका हुन। पराजित नेपाली काग्रेसका बिष्टले २५८ मत प्राप्त गरेका छन् । विद्यार्थी राजनीतिबाट सक्रिय रुपमा राजनिति यात्रा थालेका विष्ट राजधानीको आरआर क्याम्पसमा राजनीति शास्त्र र आम सञ्चार विषयमा स्नातक दोस्रो वर्षमा अध्ययनरत छन् । विभिन्न सञ्चारमाध्यममा कार्यरत विष्टले पत्रकारिता…
काठमाडौ – काठमाडौं महानगरपालिकाको मतगणनामा मेयरमा स्वतन्त्र उम्मेदवार बालेन शाहको अग्रता कायमै छ । शाहले ४ हजार ४५७ मतान्तर बनाएका छन् । काठमाडौं महानगरपालिकाको पछिल्लो नतिजाअनुसार मेयरका स्वतन्त्र उम्मेदवार बालेन शाहले ९ हजार ६१४ मत प्राप्त गरेका छन ।मतगणनाको सुरुदेखि नै अग्रता लिएका बालेनले त्यसलाई कायम राखेका छन् । एमालेका केशव स्थापितले ५१५७ र काँग्रेसका सिर्जना सिंहले ४४७७ मत प्राप्त गरेकी छन् । १८ हजार मत गन्दा ५ बढी मत बदर भएको मुख्य निर्वाचन अधिकृतको कार्यालयले बताएको छ । पछिल्लो अवस्थामा स्वतन्त्र उम्मेदवार बालेन पहिलो, एमालेका केशव स्थापित दोस्रो र काँग्रेसकी सिर्जना सिंह तेस्रो स्थानमा छिन् । उपमेयरमा भने एमालेबाट उम्मेदवार…