धनगढी : बझाङको बित्थडचिर गाउँपालिका वडा नं.१ मा नयाँ प्रहरी चौकीको शिलान्यास गरिएको छ। बुधबार जिल्ला प्रहरी कार्यालय बझाङका निमित्त कार्यालय प्रमुख प्रहरी निरीक्षक ब्यापक चन्द्र शाहले शिलान्यास गरेका हुन्।
यो प्रहरी चौकीको निर्माणले बित्थडचिर गाउँपालिकाको सुरक्षा व्यवस्थामा सुधार ल्याउने अपेक्षा गरिएको छ। स्थानीय समुदायले यस चौकीको स्थापना प्रति आभार प्रकट गरेका छन् र यसले क्षेत्रको शान्ति र सुरक्षामा महत्वपूर्ण भूमिका खेल्ने विश्वास व्यक्त गरेका छन्।
प्रहरी चौकीको शिलान्यास कार्यक्रममा स्थानीय बासिन्दा, जनप्रतिनिधि, तथा समाजसेवीहरूको उपस्थिति रहेको थियो। प्रहरी निरीक्षक शाहले आफ्नो सम्बोधनमा स्थानीय सुरक्षालाई थप मजबुत बनाउने प्रतिवद्धता व्यक्त गरे।
Facebook Comments Box