धनगढी : कैलालीको चिसापानीबाट एक जनाको अपहरण (किड्न्याप) गरिएको छ। जिल्लाको मोहन्याल गाउँपालिका–७ पितमारी क्षेत्रबाट दाउरा बोकेको गाडीका सह–चालक लोकेन्द्र चौधरीको अपहरण गरिएको हो।
लम्की–चिसापानी क्षेत्रका युवाहरूले उनको अपहरण गरेको परिवारको आरोप छ। त्यस अगाडि सोमवार राति पितमारी खोलामा कचाली गाउँबाट दाउरा बोकेर आउदै गरेको भे १ च ३७१४ नम्बरको गाडीका चालक २५ वर्षीय अनुराज चौधरीलाई कुटपिट गरिएको थियो। सोही गाडीका सह–चालक लम्कीचुहा नगरपालिका–९ का लोकेन्द्र चौधरीलाई चार/पाँच जना युवाको समूहले आफूसँगै लिएका हुन्।
अहिले चौधरीका परिवारले लम्कीचुहा नगरपालिका–३ चिसापानीका २४ वर्षीय भावेश सापकोटा, २८ वर्षीय नारायण शाही लगायतका युवाहरूको विरुद्धमा निवेदन दिएका छन्। नारायण शाहीलाई प्रहरीले पक्राउ गरेको छ भने चौधरीको अवस्था भने अझै अज्ञात रहेको छ।
Facebook Comments Box