कैलाली – कैलालीमा प्रहरीले हतियार देखाएर चालकमाथी आक्रमण गरी गएराति ब्यवस्थीतनगर बाट पल्सर मोटरसाइकल लुट्ने एक जनालाई मोटरसाईकल सहित पक्राउ गरेको छ ।
पिडित पक्षले ईलाका प्रहरी कार्यालय लम्कीमा दिएको उजुरीका आधारमा अनुसंधानको क्रममा आज बिहान करीब १० बजेतिर लम्कीचुहा वडा नम्बर १ र तिनको सिमाना सेर्पासेन्टर कुन्टीखेत बाट सोहि ठाँउका लुटेर लगेको सु.प.प्र ०१–००१०–प ३२४१ नम्बरको मोटरसाइकल सहित सुनिल वि.क लाई पक्राउ गरीएको इलाका प्रहरी कार्यालय लम्कीले जनाएको छ । घटनामा संलग्न अरुको समेत खोजी भईरहेको प्रहरीले जनाएको छ ।
स्थायी घर टीकापुर भई हाल लम्कीचुहा ३ ब्यवस्थीतनगर शान्ती टोलमा डेरागरी बस्दै आएका रानीजमरा कुलरीया सिचाई आयोजना टीकापुरमा कार्यरत सव–इन्जीनियर शुसिल विष्ट लम्की देखि डेरागरी बस्नेघरमा जादै गर्दा गएराति करीब साढे ९ बजेको समयमा ब्यवस्थीतनगर आधारभुत स्वास्थ्य इकाईको भवन अगाडी बाट अज्ञात समुहले पेस्तोलजस्तो बस्तु हतियार देखाएर मोटरसाइकल रोकाई कुटपिट गरी मोटरसाइकल लुटेर लगेका थिए ।
ब्यवस्थीतनगरमा केहि दिन यता स्थानियमाथि कुटपिटका घटना समेत हुदै आएका त्यहाका स्थानियले बताएका छन । घटनामा संलग्नलाई राजनितिक संरक्षण नगरी हदै सम्मको कारबाही र पिडितलाई क्षेतिपुर्तिका लागि प्रशासन संग जोडदार माग गरेका छन । घटनामा संलग्न अन्यलाई समेत तत्काल पर्काउ गर्न समेत स्थानियले माग गरेका छन ।