काठमाडौँ: नेपाल प्रहरीकी नायब उपरीक्षक (डिएसपी) दीप्ती कार्की अमेरिकाको फेडलर ब्यूरो अफ इन्भेस्टिगेसनको नेसनल एकाडेमीका लागि छनोट भएकी छन्।
सुदूरपश्चिम प्रदेशको कैलाली घर भएकी उनी नेपालबाट छनोट हुने पहिलो महिला प्रहरी अधिकारी हुन्। अमेरिकी दूतावासले दिएको जानकारीअनुसार उनले अमेरिकामा हुने १० हप्ते तालिममा भाग लिन पाउने छिन्।
त्यहाँ उनले विश्वभरका कानुनका जानकार अधिकारीहरूसँग आफ्नो विज्ञता बाँड्ने मौका पाउने दूतावासको भनाई छ। नेपालका लागि अमेरिकी राजदूत डिन आर थोम्पसनले पनि कार्कीलाई बधाई दिँदै शुभकामना व्यक्त गरेका छन्।
Facebook Comments Box