धनगढी: पोखरा थन्डर्स शीर्ष स्थानमा रहँदै नेपाल सुपर लिग (एनएसएल) को क्वालिफायरमा पुगेको छ।
आज शुक्रवार त्रिपुरेश्वरको दशरथ रङ्गशालामा भएको खेलमा पोखराले धनगढी एफसीसँग १–१ गोलको बराबरी खेल्यो।
धनगढीका मिलन राईले खेलको ४२ औँ मिनेटमा गोल गर्दै अग्रता दिलाएका थिए। तर, धनगढीले अग्रता जोगाउन सकेन। खेलको इन्ज्युरी समयमा पोखराका मोसेस ग्याबाले गोल गर्दै खेल १–१ को बराबरीमा ल्याए।
यो बराबरीसँगै पोखराले ८ खेलमा १५ अङ्क जोडेको छ।
धनगढी ८ खेलमा १३ अङ्कसहित दोस्रो स्थानमा छ। धनगढीले उपविजेता बन्दै क्वालिफायर खेल्ने सम्भावना छ तर उसले अरू खेलको नतिजामा भर पर्नुपर्ने हुन्छ।
ललितपुर सिटी एफसी, झापा एफसी, काठमाण्डौ रेजर्स एफसी र वीरगञ्ज युनाइटेड एफसी मध्येका २ वटा टोली प्लेअफको दौडमा छन्।
Facebook Comments Box