धनगढी: कैलालीमा भएको भुपेन्द्र बडुवाल हत्या प्रकरणका मुख्य अभियुक्त भनिएका नवीन रावलले आत्मसमर्पण गरेका छन्। आज (आइतवार) जिल्ला अदालत कैलालीमा रावलले आत्मसमर्पण गरेका हुन्। अदालत स्रोतका अनुसार उनको आजै बयान पनि लिइएको छ। तर, आदेश भने हुन बाकी रहेको छ। सम्भवत भोलि आदेश जारी हुने छ। कैलालीको लम्कीचुहा नगरपालिका–१ का २२ वर्षीय युवक भुपेन्द्र बडुवालको २०७८ कार्तिक २३ गतेको रात हत्या भएको थियो। रावलको समूहले आपसी दुस्मनी फेर्न खुकुरी प्रहार गर्दै लखेटेर बडुवालको हत्या गरेको तत्कालीन प्रहरी अनुसन्धानबाट पुष्टि भएको थियो। त्यसपछि बडुवाल हत्याको आरोपमा प्रहरीले १३ जनालाई पक्राउ गरेको थियो। उनीहरु अहिले कैद सजाय भुक्तान गरिरहेका छन्। उक्त प्रकरणमा जिल्ला…
