बैतडी: बैतडीका सुर्नया गाउँपलिका- ५ का वडा सदस्य करन सिह बिष्टले स्थानीयहरुमाथि कुटपिट गरेको भिडियो सार्वजनिक भएको छ। महिला समुहद्वारा निर्माण गरिएको सिंचाईको योजना विषयमा विवाद हुँदा वडा सदस्य बिष्ट कुटपिटमआ उत्रिएको बताइएको छ। वडा सदस्य बिष्टले महिलाहरुलाई गालिगलौज समेत गरेको पाइएको छ। महिला समुहले काम गरेको भएपनि योजनाको पैसा वडा सदस्य बिष्टले नै मागेको खुलेको छ। महिला समुहका सचिवबाट उनले पैसा लगेको तर उक्त पैसाको हिसाब नबुझाएको पाइएको आरोप छ।
Author: महेन्द्रनगर पोष्ट
डडेल्धुराः डडेल्धुराको अमरगढी नगरपालिका–२ अन्र्तगत पर्ने घटाल–चिम्रिकोट सडकमा निर्माण सम्पन्न नहुँदै कालोपत्रे उप्किन थालेको छ। सुदुरपश्चिमको प्रसिद्ध धार्मीक शक्तिपीठ घटाल थानलाई जोड्ने उक्त सडकको अहिले नै त्यस्तो दुर्दशा भएपछि व्यापक बिरोध हुन थालेको छ। कमसल सामग्री प्रयोग गरिएकोले काम सम्पन्न नहुँदै कालोपत्रे उप्किएको स्थानीयको आरोप छ। सडको एक स्थान भाँसिएको समेत छ। उक्त भाँसिएको चिरा माटो हालेर पुर्ने प्रयास गरिएको छ। डडेल्धुराको अमरगढी नगरपालिका–२ अन्र्तगत घटाल–चिम्रिकोट सडकखण्डको १३ सय ४५ मिटर कालोपत्रेको काम धुलिखेल एलवी एण्ड एवी शिवलिङ्ग जेभीले गर्दै आएको छ। नगरपालिकाले निकालेको बोलपत्र अनुसार ४ करोड ६५ लाख २४ लाख दुई सय १८ रूपैयाँमा निर्माण कम्पनीले २०७८ माघ २५…
कञ्चनपुर: कञ्चनपुरमा एक जना होटेल सञ्चालकमाथि कुटपिट भएको छ। बेलौरीको बजारमा रहेको फेमिली रेस्टुरेन्टका सञ्चालक सुरेश कुमार वडायकमाथि धारिलो बस्तुले प्रहार भएको बताइएको छ। वडायकको निधारमा गहिरो चोट लागेको छ। तर, कसले किन कुटपिट गरेको भन्ने त पुष्टि भएको छैन। उनले भने अस्पतालको शय्याबाटै सामाजिक सञ्जाल फेसबुकमा भिडियो हाल्दै आरआइटी र सिआइबीको टिमले कुटपिट गरेको बताएका छन्। भिडियोमा उनले बबिन भट्ट भन्ने व्यक्तिले पिटेको आरोप लगाएका छन्। उनले रातिको समयमा अचानक केही अराजक तत्त्व ‘डिआइजीको मान्छे’ भन्नेले आफूमाथि हमला गरेको आरोप लगाएका छन्। प्रहरीले घटनाबारे जानकारी आएको र अनुसन्धान सुरु भइसकेको बताएको छ।
बैतडी: बैतडीमा हजुरबुवाको कुटाइबाट गम्भीर घाइते भएका २ वर्षीय रेशम साउदको मृत्यु भएको छ। जिल्लाको पुर्चौडी नगरपालिका- ६ मुडेलीधारमा ५० वर्षका गणेश साउदले उनलाई कुटेका थिए। कुटपिटबाट गम्भीर घाइते भएका उनको उपचारको क्रममा डडेल्धुरा अस्पतालमा ज्यान गएको पारिवारिक स्रोतले बताएको छ। अर्का नाति ८ वर्षीय रिजन साउदलाई भने धनगढी रेफर गरिएको छ। अहिले उनको धनगढीस्थित नवजीवन अस्पतालको आईसियूमा राखेर उपचार भइरहेको छ। मृतक रेशम क्यान्सरबाट पीडित थिए। विभिन्न अभियान चलाएर उनको उपचार गरिएको थियो। हजुरबुवाको कुटाइबाट घाइते दुवै बालकहरुको टाउकोमा गम्भीर चोट लागेको थियो। बिहीवार हेरचाहा गर्न हजुरबुवाको जिम्मा लगाएर बालकका आमा र हजुरआमा घाँस काट्न गएको बेला उक्त घटना…
बेदकोट: कञ्चनपुरका थारु समुदायको परम्परागत पहिचान बोकेका घरहरु लोप हुन थालेका छन्। थारुबस्तीमा काठले बनाएका परम्परागत घरहरु अचेल बन्न छाडिसकेका छन्। “आजकल इँटा, ढुङ्गाका घर बन्न थालेका छन्”, बेदकोट नगरपालिका–५ का स्थानीय राजेश रानाले भने, “काठबाट बन्ने घर बन्न छाडिसकेका छन्।” काठले निर्माण गरिएका थारु बस्तीका अधिकाशं घर माटोले लिपपोत गरिएका हुन्छन्। घर छेउमै गाईभैंसीको गोठ, परालको कुन्यु पनि बनाइएका हुन्छन्। तर अहिले भने डगौरा, चौधरी थारू र रानाथारू समुदायको बस्ती यस्ता घर देखिन छाडेका छन्। धमाधम पक्की घर निर्माण हुँदै गएपछि परम्परागत काठले निर्माण गरिएका घर लोप हुँदै गएको लालझाडी गाउँपालिका–३ का मदन रानाको भनाइ छ। “घरसँगै गाई भैँसीको…
कञ्चनपुर: कञ्चनपुरको शुक्लाफाँटा नगरपालिका–१२ तिलकीस्थित वनहरा नदीमा बाढीले चुँडालेको झोलुङ्गे पुलको सामान सुरक्षित स्थानमा राख्न थालिएको छ। गत वर्षको बाढीले चुँडालेको पुलका सामान खोलेर वडा कार्यालयमा राख्न लागिएको हो। अबिरल वर्षाका कारण नदीमा बाढी आउँदा पुल भएको स्थानमा ब्यापक कटान भइरहेको छ। जग्गा कटान हुँदा पोल ढलेर नदीमा खसेको छ। पुलका सामान हटाएर सुरक्षित स्थानमा राख्न थालिएको वडाध्यक्ष नवलसिंह रानाले बताए। पुलको सामान चोरी हुनसक्ने भएकाले सुरक्षित स्थानमा राख्न थालिएको उनको भनाइ छ। “पुल खोल्नका लागि मजदुरको ज्याला र ढुवानी खर्च नगरपालिकाले व्यहोर्ने आश्वासन दिएको छ”, वडाध्यक्ष रानाले भने। निर्माण भएको एक वर्ष नपुग्दै बाढीका कारण गत वर्ष पुल चुँडिएर नदीमा…
बैतडी: बैतडीका एक ‘रिसकाटा’ हजुरबुवाले आफ्नै २ नातिलाई ‘मरणासन्न’ हुनेगरि कुटेका छन्। जिल्लाको पुर्चौडी नगरपालिका- ६ मुडेलीधारमा ५० वर्षका गणेश साउदले नातिहरु २ वर्षीय रेशम साउद र ८ वर्षीय रिजन साउदलाई कुटेर घाइते पारेका हुन्। हजुरबुवको कुटपिटबाट उनीहरुको अवस्था चिन्ताजनक बनेको छ। घाइते दुवै बालकहरुको टाउकोमा गम्भीर चोट लागेको जिल्ला प्रहरी कार्यालय, बैतडीका प्रमुख डिएसपी प्रेम बहादुर शाहीले बताए। उनीहरुको डडेल्धुरा अस्पतालमा उपचार भइरहेको छ। बिहीवार हेरचाहा गर्न हजुरबुवाको जिम्मा लगाएर बालकका आमा र हजुरआमा घाँस काट्न गएको बेला उक्त घटना भएको प्रहरीले जनाएको छ। कुटपिट गर्नुको कारण भने खुलेको छैन। घाइते रोसन र रिजनका बुबा दिपक साउद त्यो बेला…
काठमाडौँ: हाल देशमा मनसुनी वायुको प्रभाव रहेको मौसम पूर्वानुमान महाशाखाले जनाएको छ। जसको प्रभावले हाल देशभर सामान्य देखि पूर्ण बदली रहेको छ। कोशी, बागमती, गण्डकी र कर्णाली प्रदेशका थोरै स्थानहरूमा हल्का देखि मध्यम वर्षा भइरहेको छ। आज दिउँसो देशभर आंशिक देखि सामान्य बदली रहनेछ। सबै प्रदेशका केही स्थानहरूमा हल्का देखि मध्यम वर्षाको सम्भावना रहेको छ। कोशी र गण्डकी प्रदेशका एक-दुई स्थानमा चट्याङ्गसहित भारी वर्षाको समेत सम्भावना रहेको छ। मधेस प्रदेश र लुम्बिनी प्रदेशका तराईका थोरै स्थानहरूमा हावा-हुरीको पनि सम्भावना रहेको छ। राति भने सुदूरपश्चिम, कर्णाली, लुम्बिनी र गण्डकी प्रदेशका केही र बाँकी प्रदेशका थोरै स्थानहरूमा हल्का देखि मध्यम वर्षाको सम्भावना…
काठमाडौं : जावलाखेलस्थित क्लिनिक वानले श्रवणशक्ति गुमाएकाहरूको उपचारको सहजताका लागि दोभासे नै राखेर उपचार सेवा दिने भएको छ । श्रवणशक्ति गुमाएका वा कम श्रवणशक्ति भएका व्यक्तिहरूका लागि केन्द्रित गरेर क्लिनिक वान र राष्ट्रिय बहिरा तथा सुस्त श्रवण संघबीच क्लिनिक वानमा दोभासे राखेर उपचार गराउने सम्झौता भएको छ । क्लिनिक वानले श्रवणशक्ति गुमाएकाहरूको उपचारमा समेत सहज होस् भन्ने उद्देश्यले सो व्यवस्था गरेको क्लिन वानका सञ्चालक रघु राणाले जानकारी दिए । ‘दोभासेको प्रयोगले उनीहरूले सही परामर्श पाउनेछन् । जसका कारण उनीहरूमा स्वास्थ्यसम्बन्धी विश्वास बढ्नेछ । हामीले उनीहरूको मर्कालाई बुझेर यो थालनी गरेका हौं,’ राणाले भने । श्रवणशक्ति गुमाएकाहरूलाई विभिन्न परीक्षणको सेवामा २५…
महेन्द्रनगर : कञ्चनपुरको लाझझाडिमा बाघको आक्रमणमा परेर बेलौरीकी एक महिला घाइते भएकी छन् । बिहिबार लालझाडी गाउँपलिका -६ ढक्कास्थित शुक्लाफाटा राष्ट्रिय निकुञ्जको छेउमा बेलौरी नगरपालिका -९ डाडाकुण्डा बस्ने करिब २५ वर्षीया बिन्दु डगौरा च्याउ टिप्ने क्रममा पाटे बाघकाे आक्रममा परि घाइते भएको बेलौरी नगरपालिका -९ का वडा अध्यक्ष किसन रानाले बताए । बाघको आक्रमणमा परि डगौराको आखामा करिब २० टाका र टाउको पछाडि १० भन्दा बढी टाका लागेको स्थानीय प्रेम चन्दले बताए । उनको अहिले धनगढीस्थित नव जीवन अस्पतालमा उपचार भइरहेको छ । वडा अध्यक्ष रानाका अनुसार करिब १०/१२ जना महिलाहरुको समुह च्याउ टिप्ने क्रममा पाटे बाघले डगौरा माथि आक्रमण…