अमर खत्री, दार्चुलाः दार्चुलामा युवतीमाथि बलात्कार गरेको आरोपमा एक पुरूष पक्राउ परेका छन्। हिजो जिल्लाको दुहुँ गाउँपालिका ४ चिनचिरीका ३६ वर्षीय इन्द्रबहादुर बम पक्राउ परेका हुन्। उनले गत शुक्रबार राती १९ वर्षीया युवतीमाथि घरमै गएर बलात्कार गरेको आरोपमा समातिएको दार्चुलाका प्रहरी निरीक्षक एवम सुचना अधिकारी जगतगाहा मगरले बताए। उनका अनुसार बमलाई शनिबार पक्राउ गरिएको हो। उनीमाथि फागुन २६ गते राती घरमै गएर युवतीलाई बलात्कार गरेको आरोप लागेको छ। पक्राउ परेका बममाथि अहिले जिल्ला अदालत दार्चुलाबाट ७ दिनको म्याद थप गरी अनसन्धान भइहरेको प्रहरी निरीक्षक मगरले बताए। घरमा कोही नभएको मौकाछोपी बमले रातिको समयमा घरमै आएर जबरजस्ती करणी गरेको आरोप छ।…
Author: महेन्द्रनगर पोष्ट
जनक विष्ट, धनगढीः जोरायल गाउँपालिका–६ का गंगाराम जोशी अहिले ६० वर्षका भए। सशस्त्र युद्धको नेतृत्व गरेका पुष्पकमल दाहाल प्रचण्ड ७ दिनसम्म आफ्नै घरमा बास बसेको जोशीलाई हिजोजस्तै लाग्छ। ‘सुरुमा हामीलाई खाना चाख्न लगाइयो त्यसपछि त्यही खाना उहाँलाई दिएपछि मिठो मानेर खानुभयो’, १६ वर्षअघि प्रचण्डले आफ्नो घरमा खाना खाएको गंगारामले सम्झिए। ०६३ साल असारतिरको कुरा हो, जनआन्दोलन सफल भएपछि खुला राजनीतिमा आउने तयारीमा रहेको माओवादीले डोटीको बिपीनगरमा प्रशिक्षण राखेको थियो। कुनै बेला माओवादीको आधार इलाका रहेको बिपीनगरमा माओवादीका केन्द्रीय स्तरका नेताहरु आउने कुरा थियो। पार्टी अध्यक्ष प्रचण्डसहितका नेताहरु आउने भनेपछि माओवादीहरु बिपीनगरमा केन्द्रित भएका थिए। माओवादी कार्यकर्ता मात्र नभएर प्रचण्डलाई हेर्न…
धनगढीः पर्यटकीय सम्पदाले भरिपूर्ण भएर पनि सुदूरपश्चिमका जिल्लामा पर्यटकीय चहलपहल बढ्न सकेको छैन। कैलाली, कञ्चनपुर भएर नेपाल आउने पर्यटकको सङ्ख्या वृद्धि भए पनि ती पर्यटक भने यस प्रदेशमा भ्रमणमा आउँदैनन्। अध्यागमन कार्यालय कैलाली र कञ्चनपुरको तथ्याङ्क हेर्दा बर्सेनि प्रदेशमा विदेशी पर्यटक दिन प्रतिदिन बढ्दै गइरहको देखिन्छ। भारत हुँदै तेस्रो मुलुक भएर नेपाल आउने पर्यटकको रोजाइमा यहाँका पर्यटकीयस्थल भने पर्न सकेका छैनन्। सुदूरपश्चिम भएर काठमाडौँ, पोखरा, रारा, मनाङ, मुस्ताङलगायत अन्य ठाउँमा घुम्न जाने पर्यटकको सङ्ख्यामा वृद्धि हुँदै गएको हो। तेस्रो मुलुकबाट आउने पर्यटकको सङ्ख्यामा कमी आए पनि भारतीय पर्यटक भने महिनामा करिब तीन सयरचार सयको हाराहारीमा आउने गरेको अध्यागमन कार्यालयले जनाएको…
धनगढीः कैलालीको भजनी–५ लालबोझी कर्मदेवका जोगी चौधरी सदरमुकाम आउजाउका लागि कान्द्रा नदीमा काठेपुलबाट वारिपारि गर्छन्। स्थानीय सरकारलाई दिनको कम्तीमा ५० रुपैयाँ तिर्नुपर्छ। भजनी नगरपालिकाबाट बर्खामा डुंगा र हिउँदमा काठेपुल सञ्चालनको ठेक्का स्थानीय भीम विकले पाएका छन्। काठेपुलमा वारिपारि गर्नेलाई उनी प्रतिव्यक्ति १० रुपैयाँ र साइकल, मोटरसाइलसहितको ३० रुपैयाँ लिन्छन्। भजनी नगरपालिका क्षेत्र नागबेली जस्तै बगेको कान्द्रा नतरेर लालबोझीका बासिन्दा भजनी बजार आउजाउ गर्न सक्दैनन्। लालबोझीका बासिन्दाका लागि नगरपालिकाको केन्द्र भजनी दैनिक उपभोग्य वस्तु खरिद गर्ने बजार पनि हो। लालबोझीका माध्यमिक तह र क्याम्पस पढ्ने विद्यार्थीले पनि बर्खामा डुंगा र हिउँदमा काठेपुलको प्रयोग गर्नुपर्छ। लालबोझीका बासिन्दाले महिनामा कम्तीमा १ हजारदेखि १५…
कञ्चनपुरः परशुराम नगरपालिका–४ कटालस्थित भागेश्वर माध्यमिक विद्यालयको आयोजनामा भइरहेको अध्यक्ष कप खुल्ला पुरुष तथा महिला भलिबल प्रतियोगितामा शुक्लाफाँटा नगरपालिकाले विजयी सुरुवात गरेको छ। आइतबार भएको महिलातर्फको भलिबल प्रतियोगितामा शुक्लाफाँटाले बैतडी र आयोजक भागेश्वरलाई हराउँदै विजयी सुरुवात गरेको हो। लीग चरणको खेलमा शुक्लाफाँटाले बैतडीलाई २–१ र आयोजक भागेश्वरलाई पनि २–१ को सेटमा हराएको थियो। शुक्लाफाँटाको टीमले आज प्रहार अत्मरक्षा र त्रिबेणी बहुमुखी क्याम्पसको टोलीसँग खेल्नेछ। भलिबल प्रतियोगितामा महिलातर्फ ९ टीमको सहभागिता छ। महिला भलिबल प्रतियोगितामा प्रथम हुने टिमले ५० हजार १ सय ११, द्धितियले २५ हजार १ सय ११ र तृतिय हुने टीमले १३ हजार १ सय ११ रुपैयाँसहित ट्रफि, मेडल…
धनगढी: धनगढीमा आगलागी भएको छ। आज करीव ८: १५ मा धनगढी उप-महानगरपालिका ३ शिबपुरीधाम बोराडाडीको शिबपुरी सामुदायिक वनमा आगलागी भएको हो। उक्त वनमा लागेको आगाे केहीबेरमा प्रहरीले नियन्त्रणमा लिएको जिल्ला प्रहरी कार्यालय कैलालीका डिएसपी कुलदिप चन्दले बताए।
धनगढी : डोटीको केदारेश्वर उच्च माध्यमिक विद्यालयका विद्यालय व्यवस्थापन समितिका अध्यक्ष कृष्णबहादुर बोहरा भ्रष्टाचार मुद्दामा दोषी ठहर भएका छन्। विशेष अदालतका अध्यक्ष श्रीकान्त पौडेल तथा शालिग्राम कोइरालाको इजलासले बोहरालाई दोषी ठहर गर्दै जरिवाना हुने सजाय सुनाएको हो। विशेषका प्रवक्ता दीपेन्द्रनाथ योगीका अनुसार बोहरालाई चार लाख एक हजार रुपैयाँ रुपैयाँ बिगोबमोजिम जरिवाना हुने फैसला भएको छ। अख्तियार दुरुपयोग अनुसन्धान आयोगले बोहरामाथि ५ फागुन ०७६ मा भ्रष्टाचार मुद्दा दायर गरेको थियो। उनले विद्यालयको रकम हिनामिना गरेको अभियोग लागेकोमा उक्त दाबी पुष्टि भएको हो। बोहराले जिल्ला शिक्षा कार्यालय डोटीबाट निकासा भएको ४१ लाख ५४ हजार रुपैयाँमध्ये सात लाख २९ हजार रुपैयाँ हिनामिना गरेको…
धनगढी : धनगढीमा नगद रकमसहित ४ जना जुवाडे समातिएका छन्। आज (आइतवार) जिल्ला प्रहरी धनगढी उप-महानगरपालिका-३ बोराडाडीस्थित विरेन्द्र चन्दले संचालन गरेको चन्द फास्टफुड होटलको पछाडी कोठाबाट उनीहरु समातिएका हुन्। प्रहरीका अनुसार जुवातास खेलिरहेको अवस्थामा एक लाख चार हजार नगद र एक गड्डी ताससहित उनीहरूलाई पक्राउ गरिएको हो। पक्राउ पर्नेमा बझाङ जयपृथ्वी नगरपालिका ११ बस्ने ३६ वर्षीय शेरबहादुर थापा, धनगढी १ बस्ने ४० वर्षीय धन बहादुर खड्का, दोगडाकेदार गाउँपालिका ५ का (होटल संचालक) ३० वर्षीय विरेन्द्र चन्द र सोही ठाउँका २९ वर्षीय खडग बहादुर महरा रहेका छन्। उनीहरुमाथि थप अनुसन्धान भैरहेको प्रहरीले जनाएको छ।
धनगढीः कपिलवस्तुदेखि कञ्चनपुरसम्मका पश्चिम तराईका जिल्ला ‘सिकलसेल एनिमिया’ रोगको समस्याले बढी प्रभावित छन्। आदिवासी जनजाति समुदायका मानिसमा बढी देखिने सो रोगबाट नेपालका १५ जिल्ला प्रभावित रहेको चिकित्सकले बताएका छन्। नेपालगञ्ज, महेन्द्रनगर, काठमाडौँ, टीकापुर र भारतबाट आमन्त्रित विशेषज्ञ चिकित्सकको सहभागितामा शनिवार धनगढीमा भएको सुदूरपश्चिम प्रदेशस्तरीय सम्मेलनमा सिकलसेल एनिमिया रोगको रोकथाम तथा उपचारका बारेमा छलफल बहस भएको छ। सोह्र विषयमा कार्यपत्र प्रस्तुत गरिएको सम्मेलनमा रोगको निदान तथा उपचारमा सघाउ पु¥याउन चिकित्सकलाई अभिमुखीकरण गरिएको छ। फिजीसिएन चिकित्सकहरूको संस्था सोसाइटी अफ इन्टरनल मेडिसिन अफ नेपाल (साइमन)ले गरेको सम्मेलनमा सिकलसेल एनिमिया रोगको समस्या, रोगको रोकथाम तथा उपचार व्यवस्थापनका बारेमा विभिन्न कार्यपत्र प्रस्तुत गरिएको थियो। संस्थाका कोर्ष…
धनगढी: बैतडीको पञ्चेश्वर गाउँपालिकाकी उपाध्यक्ष बिना भट्टमाथि शुक्रवार कार्यकक्षमै हातपात भयो। पञ्चेश्वर गाउँपालिका–३ का दीपकबहादुर चन्दले मदिरा सेवन गरेर कार्यकक्षमै प्रवेश गरेर भट्टमाथि दुर्ववहार गरेका हुन्। अहिले ती चन्दलाई प्रहरीले पक्राउ समेत गरिसकेको छ। आफूमाथि हातपात र दुव्र्यवहार गरेको भन्दै उपाध्यक्ष भट्टले निवेदन दिएपछि उनलाई प्रहरीले नियन्त्रणमा लिएको हो। जिल्ला प्रहरी कार्यालयका प्रहरी निरीक्षक लोकराज जोशीले चन्दलाई शनिबार पञ्चेश्वरको हल्दुविनायक प्रहरी चौकीले नियन्त्रणमा लिएको जानकारी दिए। यस्तै उनले घटनाबारे थप अनुसन्धान भैरहेको र कारवाही प्रक्रिया अघि बढाउने बताए। ती चन्दले पालिकामा विद्युत विस्तारको ठेक्कामा काम गरेका चन्दले ठेकेदारबाट लिनुपर्ने ज्याला नपाएको भन्दै आफूमाथि हातपात र दुव्र्यवहार गरेकाले अभद्र व्यवहार शिर्षकमा…