बझाङ : यार्सा संकलनका क्रममा हिउँमा चिप्लेर एक युवकको मृत्यु भएको छ। जिल्लाको सुर्मा गाउँपालिका-५ सैनगाउँका करिब ३२ वर्षीय दिपेन्द्र बोहराको हिउँमा चिप्लेर बिहीबार बिहान मृत्यु भएको हो। बुधबार श्रीमतिसहित यार्सा संकलनका लागि घरबाट हिँडेका बोहरा बिहीबार बिहान ५ बजे धौलढुंगा पुगेका बोहरा एक्कासी हिउँमा चिप्लेको स्थानीय दिपेश दमाईले जानकारी दिए। उनीहरू दुई साना छोरा छिमेकीलाई छाडेर यार्सा संकलनका लागि निस्केका थिए। बझाङमा अहिले यार्सा संकलनको सिजन चलिरहेको छ।
Author: महेन्द्रनगर पोष्ट
दार्चुला : दार्चुलाको तिंकर नाका सञ्चालनमा आउने भएको छ । आगामी असार ११ गतेदेखि चीनको तिब्बतसँग जोडिएको तिंकर नाका सञ्चालनमा आउने भएको हो । कोरोना सङ्क्रमणका कारण विसं २०७६ यता उक्त नाका बन्द रहेको छ । चीनको तिब्बत (बुराङकाउन्टी)का जनप्रतिनिधि, सुरक्षा अधिकारी र नेपालका तर्फबाट दार्चुलाका प्रमुख जिल्ला अधिकारी, सुरक्षा निकायका प्रमुखहरुसँग आज भएको दुईपक्षीय कुराकानी भएपछि असार ११ गतेदेखि तिंकर नाका रुपमा सञ्चालनमा आउन लागेको दार्चुलाका प्रमुख जिल्ला अधिकारी यज्ञराज जोशीले बताए । सुरक्षा निकायका प्रमुखहरुले चिनियाँ सुरक्षा अधिकारीसँग सामाजिक सञ्जाल (वीच्याट) बाट नाका सञ्चालन गर्ने विषयमा कुराकानी भएको प्रमुख जिल्ला अधिकारी जोशीले जानकारी दिए ।
दाङ : दाङमा अटोरिक्सा र मोटरसाइकल एकआपसमा ठोक्किँदा २ जनाको मृत्यु भएको छ । मृत्यु हुनेमा मोटरसाइकल चालक बबई गाउँपालिका–४ का३० वर्षीय राजेश भण्डारी र पछाडि बसेका सोही ठाउँका ३१ वर्षीय साकार केसी छन् । इलाका प्रहरी कार्यालय तुलसीपुरका प्रहरी नायब उपरीक्षक ठाकुर पोख्रेलका अनुसार उनीहरुको उपचारका क्रममा मृत्यु भएको हो । उक्त दुर्घटनामा परी अटोचालक दाङ शान्तिनगर–७ खैरेनीका ४३ वर्षीय रुद्रबहादुर थापा गम्भीर घाइते भएका छन् । उनको नेपालगञ्जमा उपचार भइरहेको प्रहरीले जनाएको छ । तुलसीपुर–२ कुमलगडीबाट तुलसीपुरतर्फ आउँदै गरेको रा १ ह ४०९६ नम्बरको अटो र विपरीत दिशाबाट जाँदै गरेको रा ७ प २५० नम्बर मोटरसाइकल एकापसमा ठोक्किएका थिए…
काठमाडौँ : राष्ट्रपति रामचन्द्र पौडेल यही जेठ ३१ गते स्वीट्जरल्याण्ड जाने भएका छन् । राष्ट्रपति पौडेल स्वीट्जरल्याण्डको जेनेभामा आयोजना हुने अन्तर्राष्ट्रिय श्रम सम्मेलनको ११२ औँ अधिवेशनमा भाग लिन त्यहाँ जान लागेका हुन् । यस्तै बिहीबार बसेको मन्त्रीपरिषद्को बैठकले राष्ट्रपति पौडेलको जर्मनीको भ्रमण कार्यक्रम स्वीकृत गरेको प्रवक्ता एवं सूचना तथा सञ्चार प्रविधि मन्त्री रेखा शर्माले जानकारी दिइन् ।
धनगढी : कैलालीको घोडाघोडी नगरपालिका जारी नेकपा एमाले नगर कमिटिको दोस्रो अधिवेशनमा रमेश बस्नेत अध्यक्ष पदका उम्मेदवार बनेका छन्। रमेश बस्नेत, जो घोडाघोडी नगरपालिका वडा नम्बर १ पिपलडाडामा स्थायी बसोबास गर्दै आएका छन्, लामो समयदेखि राजनीति क्षेत्रमा सक्रिय रहँदै आएका छन्। राष्ट्रिय युवा संघको केन्द्रीय सदस्यको भूमिकामा रहेका बस्नेतले यसअघि पनि विभिन्न सामाजिक र राजनीतिक गतिविधिमा सक्रियता देखाउँदै आएका थिए। बस्नेतले आफ्नो शैक्षिक यात्रा स्नातकोत्तर तहसम्म पुरा गरेका छन्। उनले नगर कमिटिको अध्यक्ष पदका लागि उम्मेदवारी दिएको घोषणा गर्दै सबै नागरिकका दुःख र अन्यायलाई न्यायमा परिवर्तन गर्न प्रतिबद्ध रहेको बताए। उनको उम्मेदवारीले स्थानिय तहमा सर्वहाराका नेताको रुपमा परिचित बस्नेतले आफ्नो…
धनगढी : कैलालीको गोदावरी नगरपालिकाको अत्तरियास्थित श्रृजना होटलमा यौनधन्दा संचालन भइरहेको अवस्थामा प्रहरीले होटल मालिक सहित दुई जनालाई पक्राउ गरेको छ। विशेष सुचनाको आधारमा अत्तरियामा रहेका विभिन्न होटेलहरुमा अनैतिक क्रियाकलाप भइरहेको सूचना प्राप्त भएपछि, इलाका प्रहरी कार्यालय मालाखेती कैलालीको अपराध अनुसन्धान शाखाबाट खटिएको विशेष टोलीले बिहीबार साँझ छापा मारेको थियो। छापा मार्ने क्रममा श्रृजना होटलमा अनैतिक क्रियाकलाप भइरहेको अवस्थामा होटल सञ्चालक एक तेस्रो लिङ्गी र एक पुरुष गरी जम्मा दुई जनालाई पक्राउ गरिएको छ। पक्राउ परेकाहरुलाई थप अनुसन्धानका लागि प्रहरी हिरासतमा राखिएको छ। प्रहरीले यस घटनाको गहन अनुसन्धान गरिरहेको जानकारी दिएको छ। पक्राउ परेकाहरुलाई कानुनी प्रक्रिया पुर्याएर कारबाही गरिने प्रहरी…
धनगढी : केही दिन अघि कैलाली प्रहरी र राजस्वको टोलीले धनगढीमा रहेको रिल्याक्सो डोमेसोयर एलएलबी नामक कम्पनीमा छापा मारेर सिल गरेको छ। सो कम्पनीमा झन्डै २ क्विन्टल बढी औषधिजन्य अवैध सामग्री फेला परेको छ। धनगढीको त्रिनगर भन्सार नजिकैको क्षेत्रमा अवस्थित यस कम्पनीले भारतबाट अवैध तरिकाले सामग्री ल्याएर नेपालमा नेपाली लेबलिङ गरी बेच्ने गरेको पाइएको छ। बिना लेबलका स्टिकरहरु र औषधिहरु बरामद भएपछि प्रहरी र राजस्वको टोलीले कारबाही गरेको हो। सुद्रा कुमारी भट्टको नाममा रहेको उक्त कम्पनीको गोदाम ज्योति सन्जय शर्माको दुइतले घरको तल्लो तलामा रहेको बताइन्छ। गोदाममा राखिएका सामग्रीहरुमा औषधि, स्टिकर, र अन्य सामग्रीहरु थिए जसको लेबलिङ नगरेको अवस्थामा फेला…
धनगढी : नेकपा (एमाले) कैलालीको गोदावरी नगर कमिटिको अध्यक्षमा सन्तोष सिंह विजयी भएका छन् । हिजो भएको निर्वाचनमा वर्तमान कार्यबाहक अध्यक्ष समेत रहेका सिंह १६२ मत सहित विजयी भएका हुन् । सिंहका प्रतिद्धन्दी हरि प्रसाद फुलाराले १४० मत पाएका छन् । त्यस्तै उपाध्यक्षमा सिंह प्यानलकै कृत बहादुर चन्द विजयी भएका छन् । सचिवमा भने फुलारा प्यानलका विक्रम विष्ट विजयी भएका छन् । उप सचिव महिलामा कृष्णा चौधरी, उप सचिव खुलाबाट जय बहादुर विक विजयी भएका छन ।
काठमाडौं : नेपाल प्रहरीका २२९ जना प्रहरी हवल्दार वरिष्ठ हवल्दार पदमा बढुवा सिफारिस भएका छन् । बिहीबार बसेको बढुवा समितिको बैठकको निर्णय अनुसार उनीहरुवरिष्ठ हवल्दार पदमा बढुवा सिफारिस गरिएको हो । जनपद प्रहरी समूहतर्फका प्रहरी हवल्दारहरुलाई सोही समूहतर्फको प्रहरी वरिष्ठ हवल्दार पदमा बढुवाका लागि गरिएको सिफारिस गरिएको प्रहरी प्रधान कार्यालयले जनाएको छ । बढुवा सिफारिस सूची प्रहरी नियमावली, २०७१ (संशोधन सहित) को नियम २७ को उपनियम (४) अनुसार प्रकाशित गरिएको छ । बढुवा हुनेमा जीवन प्रसाद महतो, सुरेन्द्र बहादुर बुढा, कुल बहादुर कुमाल, लेखराज रेग्मी, दया महत, श्याम कुमार श्रेष्ठ, राम कुमार चौधरी, दौलत सिंह बुडाल, पुर्ण आकाश दिप सिंह,…
धनगढी: कैलालीको धनगढीमा एक थुनुवा प्रहरीकै निगरानीबाट भागेका छन्। हिजो (बिहीबार) अदालत क्षेत्रबाट कैलाली प्रहरीको हिरासतमा रहेका थुनुवा भागेका हुन्। जिल्लाको टीकापुर नगरपालिका १ बस्ने वर्ष २१ को योगेश कठरियालाई जिल्ला अदालतमा म्याद थपका लागि लगिएकोमा त्यहीँबाट भागेका हुन्। स्रोतका अनुसार उनी प्रहरीको निगरानीबाट हतकडीसहित भागेर अटोमै बसेका थिए। त्यसपछि उनलाई प्रहरीले नियन्त्रणमा लिएर पुनः थुनामै राखेको जनाएको छ। लागुऔषध मुद्दामा प्रतिवादी उनलाई हिजो म्याद थप गर्न अदालत लगिएको समयमा भाग्न खोजेका थिए।