काठमाडौं: कोशी प्रदेशका मुख्यमन्त्री केदार कार्कीले आज विश्वासको मत लिने भएका छन्। संविधानको धारा १६८ को उपधारा ५ अनुसार मुख्यमन्त्री नियुक्त भएका कार्कीले आज बस्ने प्रदेशसभा बैठकबाट विश्वासको मत लिने भएका हुन्। बुधबार ११ बजेका लागी बोलाइएको प्रदेशसभा बैठकबाट मुख्यमन्त्रीले विश्वासको मत लिने कार्यसूची छ। संविधान विश्वासको मत लिन मुख्यमन्त्रीलाई संविधानले नै ३० दिनको समयसीमा दिएको छ। तर, कोशी प्रदेशका मुख्यमन्त्री केदार कार्की नियुक्तिको पाँचौ दिन नै बुधबार प्रदेशसभाबाट विश्वासको मत लिँदैछन्। सरकार गठनको अन्तिम विकल्प अर्थात संविधानको धारा १६८ उपधारा ५ अनुसार कार्की २७ असोजमा मुख्यमन्त्री नियुक्ति भएका थिए। सरकार गठनको क्रममा आफ्नै पार्टी तथा केन्द्रिय सत्तारुढ गठबन्धनमा विद्रोह…
Author: महेन्द्रनगर पोष्ट
बैतडीः बैतडीको झुलाघाट नाका आजदेखि पूर्ण रुपले सुचारु हुने भएको छ। भारतसंग सीमा जोडिएको बैतडीको झुलाघाट पुलको मर्मत सम्भार कार्य भइरहेकाले असोज ९ देखि आंशिक रुपमा मात्रै आवतजावत भइरहेको थियो। झुलाघाट पुल मर्मत कार्य सम्पन्न भइसकेकाले बुधबारबाट पूर्ण रुपमा आवागमन सुचारु हुने जिल्ला प्रशासन कार्यालय बैतडीले जनाएको छ। झुलाघाट नाकामा करीब दुई सय बर्ष अघि इष्टइण्डिया कम्पनीले निर्माण गरेको झोलुंगे पुलबाट आवतजावत हुँदै आएको छ। पुल जीर्ण भएपछि सीमा समन्वय बैठकमा पुल मर्मत सम्भार गर्ने निर्णय भएको थियो। भारतीय पक्षले पुल मर्मतसम्भारको काम पुरा गरिसकेकाले आजदेखि नाका पूर्ण रुपमा सञ्चालनमा आउने प्रमुख जिल्ला अधिकारी सुरेश पन्थीले बताए।
काठमाडाैँ : दशैंको चौथो दिन आज देशभरका शक्तिपीठहरुमा कुष्माण्डा भगवतीको पूजा गरिँदैछ । घटस्थापना गरेसँगै नवदूर्गाका ९ वटा रूपहरूको दैनिक पूजा गर्ने परम्परा छ । नवरात्रकानौ दिनमा पहिलो दिन शैलपुत्री, दोस्रो दिन ब्रम्हचारिणी, तेस्रो दिन चन्द्रघण्टा, चौंथो दिन कुष्माण्डा, पाँचौ दिन स्कन्दमाता, छौटौं दिन कात्यायनी, सातौं दिन कालरात्री,आठौं दिन महागौरी र नवौं दिन सिद्धिदात्रीको पूजा गर्ने गरिन्छ । चौथो दिन आज कुष्माण्डा भगवतीलाई शुभकर्म थालनी,असत्यमाथिको जित र सृष्टिको प्रतीकको रुप मानेर शक्तिको लागि पुज्ने गरिन्छ । कुष्माण्डाको लौकिक अर्थ कुभिण्डो हो । कुभिण्डो उष्ण हावापानीको प्रकृतिमा हुर्किने फल भएकाले यसको भित्री गुण शीतल हुने हुँदा कुष्माण्डा देवीको प्रतीक मानेर दशैंमा…
काठमाडौं: नेपाली सीमा नजिकै रहेको भारतको उत्तराखण्डको पिथौरागढमा तीन हजार कलाकारले छलिया तथा झोडा नाच देखाएर विश्व रेकर्ड बनाएका छन्। यही अक्टुबर १२ मा भारतीय प्रधानमन्त्री नरेन्द्र मोदीको उपस्थितिमा देखाइएको उक्त नाच ‘गिनीज बूक अर्फ वल्ड रेकर्डमा’ दर्ता भएको छ। उक्त उपलक्ष्यमा उत्तराखण्डका मुख्यमन्त्री पुष्करसिंह धामीले सबै कलाकारलाई धन्यवाद ज्ञापन गरेका थिए। उनले लोक कलाकारहरुले आफ्नो परम्परागत भेषभूषा र लोकगीतमार्फत विश्वको ध्यान उत्तराखण्डतर्फ केन्द्रित गराएको बताएका थिए। छलिया नृत्य सुदूरपश्चिम प्रदेश र छिमेकी मुलुक भारतको उत्तराखण्ड राज्यको कुमाउ क्षेत्रको एक प्रचलित लोकनृत्य हो। यो एउटा तलबारको नृत्य हो, यसलाई हाल विवाहमा प्रयोगमा ल्याइन्छ । नेपालको बैतडी, डडेल्धुरा, दार्चुला, डोटी क्षेत्र एवं…
धनगढीः कैलालीको कर्णाली नदीमा खसेर एक जना बेपत्ता भएका छन्। जिल्लाको लम्की चुहा नगरपालिका–३ स्थित कर्णाली नदीमा ढुङ्गामा सवार गर्ने क्रममा लडेर सोहि वडाका ४९ वर्षीय गणेश पोखरेल बेपत्ता भएका हुन्। अहिले उनको खोजी गर्न प्रहरी सहायक निरीक्षकको कमाण्डमा ७ जना प्रहरी टोली घटनास्थलमा खटिएको छ।
काठमाडाैँ । हाल नेपालमा पश्चिमी वायुको प्रभाव रहेको मौसम पूर्वानुमान महाशाखाले जनाएको छ। जसको प्रभावले हाल बागमती, गण्डकी, लुम्बिनी, कर्णाली र सुदूरपश्चिम प्रदेश लगायत देशको पहाडी भूभागमा आंशिकदेखि सामान्य बदली रहेको छ। आज दिउँसो देशको पहाडी भूभागमा आंशिक देखि सामान्य बदली र बाँकी भूभागमा आंशिक बदलीदेखि मौसम सामान्यतया सफा रहनेछ। देशका पहाडी भूभागका थोरै स्थानहरूमा चट्याङ्गसहित हल्का वर्षाको सम्भावना रहेको छ। देशको उच्च पहाडी तथा हिमाली क्षेत्रका थोरै स्थानहरूमा हल्का हिमपातको सम्भावना रहेको छ। राति देशका पहाडी भूभागका एक–दुई स्थानमा चट्याङ्गसहित हल्का वर्षाको सम्भावना रहेको महाशाखाले जनाएको छ।
धनगढी: नेपाल र भारतेक सीमा सुरक्षा प्रहरीका अधिकारीहरुको बैठक सम्पन्न भएको छ। आज (मंगलबार) नेपालको सशस्त्र प्रहरी बल नेपाल र भारतीय सशस्त्र सीमा बल (एसएसबी) बीच समन्वायत्मक बैठक सम्पन्न भएको हो। भारतीय सशस्त्र सीमा बल (एसएसबी) को पाचौं बटालियन चम्पावत उत्तराखण्डमा डिआइजीस्तरीय काउण्टर पार्टस सम्बन्धी बैठक बैठक भएको हो। जसमा भारतीय सशस्त्र सीमा बल (एसएसबी) को पक्षबाट उत्तराखण्ड पिलिभित सेक्टरका सेक्टर कमाण्डर (डिआइजी) सुनिल कुमार ध्यानी र अल्मोरा सेक्टरका डिआइजी डिएन भोम्बेसहित ११ जना कमाण्डरहरुको सहभागीता रहेको थियो। त्यस्तै सशस्त्र प्रहरी बल, नेपालको तर्फबाट सशस्त्र प्रहरी बल नेपाल नं. ७ बैधनाथ वाहिनीका वाहिनीपति सशस्त्र प्रहरी नायव महानिरीक्षक (डिआइजी) कुमार न्यौपानेको…
काठमाडौं : यसपालिको मनसुनका समयमा देशभर विपतजन्य घटनाबाट ९२ जनाको मृत्यु भएको छ । ती घटनामा परेर ३० जना बेपत्ता भएका छन् भने एक सय ६८ घाइते भएका छन्। राष्ट्रिय विपत् जोखिम न्यूनीकरण तथा व्यवस्थापन प्राधिकरणका प्रवक्ता ध्रुव खड्काले दिएको जानकारीअनुसार मनसुन अवधिमा सबैभन्दा बढी पहिरोका घटना भएको छ। प्राधिकरणले आज सिंहदरबारमा आयोजना गरेको पत्रकार भेटघाटका क्रममा उनले मनसुनका समयमा पहिरोका चार सय ५९, बाढीका एक सय ४२, भारी वर्षाका एक सय ६८ र चट्याङका एक सय २३ घटना भएको जानकारी दिए। यसपटक १३ दिन ढिला गरी मनसुन यही असोज २८ मा बाहिरिएको थियो भने एक दिन ढिला गरी गत…
काठमाडौँ : जनता समाजवादी पार्टीका अध्यक्ष उपेन्द्र यादवले आज महोत्तरीको जलेश्वर महादेव मन्दिरमा पूजापाठ गरेका छन् । भारतबाट आएका दिल्ली युनिभर्सिटीको प्रोफेसर डा.रञ्जित कुमार सिंह, नेसनल मेडिकल कमिसनको पूर्व अध्यक्ष डा.सहजा नन्दन प्रसाद, भारतीय जनता पार्टीका नेता डा.दीपक ठाकुर, रेल्वे सुपरिटेन्डेन्ट बिपी सिंहका साथमा उनले जलेश्वर महादेव मन्दिरमा पूजापाठ गरेका हुन् । जलेश्वरकै दुर्गा मन्दिरमा आयोजित झिझिया नृत्यको समेत उनीहरूले अवलोकन गरेका थिए । उनीहरू महादेवको दर्शन गर्न नेपाल आएका थिए ।
काठमाडौँ : काठमाडौँ महानगरपालिकाले नगर प्रहरी प्रमुख राजुनाथ पाण्डेलाई एसएसपीमा बढुवा गरेको छ । हाल नगर प्रहरी उपरीक्षक (एसपी) रहेका पाण्डेलाई मंगलबार बसेको कार्यपालिका बैठकले नगर प्रहरी वरिष्ठ उपरीक्षक (एसएसपी) पदमा बढुवा गर्ने निर्णय गरेको हो । नगर प्रहरी ऐनमा नगर प्रहरी प्रमुख एसएसपी हुने प्रावधान अनुसार कार्यपालिका बैठकमा सुशासन समितिका संयोजक ख्यामराज तिवारीले प्रस्ताव गरेका ३ जना एसपीको नाममध्ये पाण्डेको नाम एसएसपीमा सर्वसम्मतिले निर्णय गरेको हो । समितिले एक नम्बरमा पाण्डे, दुई नम्बरमा विष्णु जोशी र ३ नम्बरमा दिनेश अर्यालको नाम सिफारिस गरेको थियो । कार्यसम्पादन मूल्याङ्कन र वरियताको आधारमा पाण्डेको नाममा निर्णय गरेको जनाइएको छ ।