डडेल्धुरा : विगत लामो समयदेखि लोक तथा डेउडा गीतको क्षेत्रमा सक्रिय लोकप्रिय सर्जक तथा गायक धनिराम गिरी, गायिका गाैरी भट्ट र यज्ञराज गिरीको स्वरमा नयाँ डेउडा गीत `पान तिया पन्नर’ सार्वजनिक भएको छ। खप्तड डिजिटल म्युजिक प्राइभेट लिमिटेड मार्फत सार्वजनिक भएको सो गीतमा प्रस्तुती तथा शब्द सृजना धनिराम गिरीको रहेको छ। संगीत पनि गिरीको नै रहेको छ। गीतको म्युजिक भिडियोमा लभराज गिरी र झरना बोहराको नृत्य तथा अभिनय देख्न सकिन्छ। गीत सार्वजनिक गर्दै धनिराम गिरीले यो गीतले सुदूरपश्चिमको कला संस्कृतिको संरक्षण गर्ने उदेश्यले सार्वजनिक गरेको बताए। उनीहरुको टिमले विगत लामो समयदेखि टिकटकको माध्यमबाट सुदूरको संस्कृति सम्बन्धि भिडियो बनाइ संस्कृति जगेर्ना …
Author: महेन्द्रनगर पोष्ट
काठमाडौँ : प्रहरी प्रधान कार्यालयले बाँके र सर्लाहीका एसपीलाई काज सरुवा गरेको छ । बाँकेमा सुवास चन्द्र बोहरा र सर्लाहीमा प्रविण धिताललाई पठाइएको प्रहरी प्रधान कार्यालयका एक जना उच्च अधिकृतले बताए । बाँकेमा कार्यरत सन्तोष सिंह राठौरलाई प्रहरी प्रधान कार्यालय स्थित कार्य विभागमा फिर्ता बोलाइएको छ । सर्लाहीमा नरेशराज सुवेदी कार्यरत थिए । त्यस्तै गृह मन्त्रालयले बिहीबार नै दुवै जिल्लाका प्रमुख जिल्ला अधिकारीको सरुवा गरेको छ । सर्लाहीको प्रमुख जिल्ला अधिकारीमा कोमल प्रसाद धमला र बाँकेको प्रजिअमा श्रवण कुमार पोखरेललाई सरुवा गरिएको छ । हिन्दु र मुस्लिम समुदायको बिचमा दंगा भड्किएपछि सुरक्षा परिषद्को बैठकमा दुवै जिल्लाका प्रजिअ र एसपीले ‘कार्यकुशलता…
काठमाडौँ : अर्थमन्त्री डा. प्रकाशशरण महतले युरोपेली सङ्घ (ईयू)की कमिस्नर जुट्टा उर्पियालिनेनलाई भेटेर नेपालको हवाई सुरक्षा चासोको सूचीबाट हटाउन आग्रह गरेका छन् । विश्व बैंक र अन्तर्राष्ट्रिय मुद्रा कोष (आईएमएफ)को वार्षिक बैठकमा भाग लिने क्रममा मोरक्कोको मारकेसमा रहेका अर्थमन्त्री महतले साइडलाइन वार्तामा युरोपियन कमिस्नरसँग यस्तो आग्रह गरेका हुन् । उनले ईयूलाई नेपालमा आर्थिक सहायता बढाउन आग्रह गरे । सन् २०१३ देखि ईयूले नेपालका वायु सेवा कम्पनीलाई हवाई सुरक्षा चासोमा राखेको छ । जसले नेपाली वायुसेवा कम्पनीले युरोपको आकासमा उडान गर्न पाउँदैनन् । ईयूले २०७९ असारमा नेपालका वायुसेवा कम्पनीको अनुगमन गर्दा हवाई सुरक्षा चासोबाट हटाउन अस्वीकार गरेको थियो । २०७९ फागुनमा…
काठमाडौं : राष्ट्रिय अनुसन्धान कार्यालय प्युठानका अनुसन्धान अधिकृत सञ्जनबहादुर बुढाथोकीविरुद्ध भ्रष्टाचार मुद्दा दायर भएको छ । अख्तियार दुरुपयोग अनुसन्धान आयोगले उनीविरुद्ध विशेष अदालतमा भ्रष्टाचार मुद्दा दायर गरेको जनाएको छ । बुढाथोकीले नक्कली शैक्षिक प्रमाणपत्रको आधारमा नियुक्ति लिई नियम विपरीत सरकारी सेवामा कार्यरत रहेको पाइएपछि मुद्दा दायर भएको हो । माध्यमिक शिक्षा परिषद् भारतको उत्तर प्रदेश इलाहाबादबाट इन्टरमिडिएट तह उत्तीर्ण गरेको नक्कली शैक्षिक योग्यताको प्रमाणपत्रको आधारमा सरकारी सेवामा प्रवशे गरेका उनले सरकारी लाभ र सुविधा लिएको अनुसन्धानबाट खुलेको छ । आयोगले भ्रष्टाचार निवारण ऐन, २०५९ को दफा १६ बमोजिम उनीविरुद्ध आज मुद्दा दायर गरेको हो ।
काठमाडौं : नक्कली भुटानी शरणार्थी प्रकरणमा पुर्पक्षका लागि थुनिएका पूर्वउपप्रधानमन्त्री टोपबहादुर रायमाझी र पूर्वगृहमन्त्री बालकृष्ण खाँणले यस पालिको दशैं जेलभित्रै मनाउने छेकछन्द देखिँदै छ । पर्व बिदा शुरु हुनुअघि मुद्दाको सुनुवाइ गर्ने दिन बिहीबार मात्रै बाँकी रहेकाले यस्तो आकलन गरिएको हो । त्यसपछि न्यायालयमा बिदा शुरु हुन्छ । कथं सुनुवाई प्रारम्भ भइहाले पनि एकै दिनमा सबै प्रक्रिया टुंगिन सम्भव छैन । यसैबीच सुनप्रकरणका २६ जना अभियुक्तमध्ये २५ जना जेल गएका छन् । यसबीच महान्यायाधिवक्ताको कार्यालयले काठमाडौंको जिल्ला सरकारी वकिल कार्यालय प्रमुखमा सन्देश श्रेष्ठलाई पठाउन लागेको छ उनी पूर्वप्रधानन्यायाधीश कल्याण श्रेष्ठका पिए हुन् ।
बारा : भारत लैजान लागिएका ५ बालिकाको बारा प्रहरीले उद्दार गरेको छ। करैयामाई गाउँपालिका वडा नम्बर १ बाट गत सोमबार साँझबाट हराएका ५ बालिकाको प्रहरीले उद्दार गरी परिवारको जिम्मा लगाएको हो। भारतको मोतिहारी जिल्ला, पुर्वी चम्पारण ढाका थाना बिक्रमपुर गाँउ बस्ने सत्य ब्रत पालको छोरा १८ को कवि कुमार पालले उनीहरुलाई भारत लैजान लागेका थिए। सोही क्रममा भारतीय यूवक पालबाट बालिकाहरूलाई उद्दार गरि जिल्ला प्रहरी कार्यालय बारा मार्फत अभिभावकको जिम्मा लगाईएको हो। गाउँबाट वर्ष १३ की १ जान, १४ की २ जना, १६ की २ जान गरि ५ (पाँच) जना बालिका एकसाथ हराएपछि अभिभावकले प्रहरीमा खबर गरेका थिए। बालिकाहरुको फोटो…
काठमाडौँ : भारतीय प्रधानमन्त्री नरेन्द्र मोदीले बिहीबार बिहान दार्चुलाको सीमावर्ती क्षेत्र गुन्जीमा गरेको भ्रमणका विषयमा नेपालको परराष्ट्र मन्त्रालयले ध्यानाकर्षण भएको जनाएको छ । परराष्ट्र मन्त्रालयकी प्रवक्ता सेवा लम्सालले यस विषयमा जानकारी लिने क्रममा रहेको बताएकी हुन् । उनले एउटा देशको प्रधानमन्त्री अर्को देशमा जाँदा प्रोटोकल पूरा गर्नुपर्ने भन्दै त्यस विषयमा के भएको रहेछ भन्ने विषयमा बुझ्ने बताइन् । ‘भारतीय प्रधानमन्त्रीको गुन्जी भ्रमणबारे हाम्रो ध्यानाकर्षण भएको छ । के हो भनेर हामी जानकारी लिने क्रममा छौँ । एउटा देशको प्रधानमन्त्री अर्को देशमा जाँदाको प्रोटोकल जे हो, त्यो पूरा गर्नुपर्छ । थप बुझ्दै छौँ’, उनले भनिन् । दार्चुलाको सीमावर्ती क्षेत्र गुन्जीमा मोदीले…
काठमाडौँ : इजरायलमा हमास समूहको आक्रमणपछि स्वदेश फर्कन चाहने नेपाली नागरिकलाई उद्धार गर्न गएको नेपाल एयरलाइन्सको विमान आज राति १ः३० बजे काठमाडौँ आइपुग्ने भएको छ । विमान दुई सय ५४ नेपाली नागरिक लिएर इजरायलबाट काठमाडौँका लागि उडिसकेको परराष्ट्र मन्त्रालयले जनाएको छ । नेपाली नागरिकको उद्धारका लागि विमान आज बिहान ३ः३० बजे दुबई हुँदै त्यसतर्फ प्रस्थान गरेको थियो । उद्धारका लागि परराष्ट्रमन्त्री नारायणप्रकाश साउद विमानमा आफैँ इजरायल गएका थिए । इजरायलबाट स्वदेश फर्कन चाहने नेपाली ल्याउनका लागि नेपाल एयरलाइन्सको दुई सय ७४ सिट क्षमता भएको वाइडबडी विमान इजरायल गएको हो । शनिबार हमास समूहको आक्रमणमा परी १० नेपाली विद्यार्थीको निधन भएको…
काठमाडौँ : कोशी प्रदेशको मुख्यमन्त्रीमा नेपाली काँग्रेसका सांसद केदार कार्कीले बहुमत सांसद (४७ जना) को हस्ताक्षर बुझाएका छन्। प्रदेश प्रमुख परशुराम खापुङ्गलाई भेटेर कार्कीले बिहीबार काँग्रेसका ८ जना र नेकपा एमालेका उपसभामुखबाहेक ३९ जना गरी कूल ४७ जना सांसदको हस्ताक्षर बुझाएका हुन्। कोशी प्रदेश सभा ९३ सदस्यीय हो। सरकार बनाउन यहाँ ४७ जना भए बहुमत पुग्छ। मुख्यमन्त्री हिक्मत कार्कीले गत असोज २० गते पदबाट राजीनामा दिएका थिए। प्रदेश प्रमुख खापुङ्गले असोज २६ गते अपराह्न ५ बजेभित्र संविधानको धारा १६८ को उपधारा ५ अनुसार मुख्यमन्त्रीमा दाबी पेश गर्न समय दिएका थिए। आजै यस अघि माओवादी संसदीय दल नेता इन्द्र आङ्बोले पनि…
काठमाडौं : नागरिक उन्मुक्ति पार्टीका संरक्षक रेशम चौधरीद्वारा लिखित ‘धरातल’ विमोचन भएको छ। बुधबार प्रधानमन्त्री पुष्पकमल दाहाल ‘प्रचण्ड’ले प्रधानमन्त्री कार्यालयमा नै उक्त किताव विमोचन गरेका हुन्। प्रवासी जीवनदेखि कारावाससम्मको संस्मरण समेटिएको पुस्तक ‘धरातल’ चौधरीले डिल्लीबजार स्थित कारागारमा लेखेका हुन्। उनको नयाँ पुस्तक ‘धरातल’ असोज २४ (हिजो) देखि बजारमा आएको छ। पुस्तक विमोचन पश्चात प्रधानमन्त्री प्रचण्डले चौधरी बहुआयामिक व्यक्तित्व भएको भन्दै प्रशंसा गरेका थिए। ‘मैले उहाँको क्षमता र प्रतिभाबारे उहाँ डिल्लीबजार जेलमा भेट हुँदा नै अनुभूत गरेको थिएँ। उहाँ अहिले बाहिर हुनुहुन्छ, सक्रिय हुनुहुन्छ’, प्रधानमन्त्रीले भने, ‘उहाँको किताव विमोचन गर्न पाउँदा खुसी लागेको छ। आउन दिनमा पनि अरु राम्रा रचना आउने…