बैतडी : बैतडीमा जारी प्रधानमन्त्री कप पुरूष एकदिवसीय राष्ट्रिय क्रिकेट प्रतियोगिताकाे सुदूरपश्चिम प्रदेशस्तरीय छनाैटमा डडेल्धुराले डाेटीमाथि शानदार जित निकालेकाे छ।
प्रतियोगितामा दाेस्राे जित दर्ता गर्ने क्रममा डडेल्धुराले डाेटीलाई १० विकेटले हरायाे। जितका लागि पाएकाे ७० रनकाे सामान्य लक्ष्य डडेल्धुराले १२.१ ओभरमा बिना विकेटको क्षतिमा पूरा गर्याे।
जसमा विशाल ऐेर ४७ र निशान्त बुढाऐर १७ रनमा अविजित रहे। यसअघि दशरथचन्द क्रिकेट मैदान सुन्दरखालीमा टस जितेर हारेर ब्याटिङकाे निम्ता पाएकाे डाेटी १९.४ ओभरमा ६९ रनमा समेटियो।
उसका कप्तान भाेजराज भट्ट र पारस महतले १५/१५ रन हिर्काए। डडेल्धुराका लागि कप्तान सुरज देउवाले ४ , निरज ऐरले ३ विकेट हात पारे।
सुरज खेलका म्यान अफ द म्याच चुनिएका स्काेरर दीपेन्द्रबहादुर बाेहराले जानकारी दिए। दाेस्राे जित निकालेकाे डडेल्धुराकाे क्वालिफायर हुने सम्भावना जीवितै छ। भाेलि हुने डाेटी र बझाङबीचकाे खेलले क्वालिफायर हुने टिमकाे टुंगाे लाग्नेछ।
बझाङ विजयी भए साेझै क्वालिफायर हुनेछ भने पराजय भए डाेटी, डडेल्धुरा र बझाङकाे नेट रनरेटका आधारमा क्वालिफायरकाे टुंगो लाग्नेछ ।