कैलाली : कैलालीको गोदावरी नगरपालिका–४ बेलपानी, फुलबस्तिमा विद्युत लाइन विस्तार गरिएको छ । धनगढी वितरण केन्द्र मार्फत सो क्षेत्रमा ११ केभीको लाइन विस्तार गरिएको हो ।
विस्तार गरिएको लाइनको मंगलबार एक कार्यक्रमका बीच गोदावरी नगरपालिकाका प्रमुख विरेन्द्र भट्टले उद्घाटन गरेका थिए । विद्युत सेवा विस्तार भएपछि फुलबस्ति, पटयानी, दामोदरे, तल्लो गैरी, मल्लो गैरीका स्थानीयले विद्युत सेवा उपभोग गर्न पाउने भएका छन् ।
विद्युत सेवाको विस्तार गर्दै मेयर भट्टले लामो समयदेखि अँध्यारोमा रहेको बस्तीमा आफ्नो डेढ वर्षको कार्यकालमा विद्युत विस्तार गर्न सफल भएको बताए ।
Facebook Comments Box