बैतडी: बैतडीको एक घरमा आगलागी हुँदा ५ लाख रुपैयाँ बराबरको क्षति भएको छ।
जिल्लाको डिलाशैनी गाउँपालिका –६ थलालगाउँका पुष्कर थलालको घरमा शनिबार साँझ साढे ६ बजेतिर विद्युतको तार सर्ट भइ आगलागी भएको जिल्ला प्रहरी कार्यालयका प्रवक्ता निरीक्षक खेमविक्रम केसीले बताए।
थलालको दुई तले चारकोठे कच्ची घरमा आगलागी हुँदा नगद १ लाख ५० हजार रुपैयाँका साथै १ तोला आठ आना सुन जलेर नष्ट भएको छ।
यस्तै घरभित्र रहेका ३५ हजार बराबरका कपडा जलेका छन् भने खाद्यान्न सामग्री समेत जलेर नष्ट भएको छ।
आगलागीबाट मानवीय क्षति नभएपनि घरको माथिल्लो तला जलेर पूर्ण रुपमा नष्ट भएको प्रहरी निरीक्षक केसीले बताए।
घरमा लागेको आगो स्थानीय र प्रहरीको टोली साँझ साढेसात बजेतिर नियन्त्रणमा लिएको बताइएको छ।
Facebook Comments Box