धनगढी : अवैध लागूऔषध खैरो हेरोईन जस्तो देखिने धुलो पदार्थ सहित २ जनालाई शनिबार प्रहरीले पक्राउ गरेको छ । भजनी नगरपालिका–९ पहलवान झुलंगे पुल नजिकैबाट ५ ग्राम ६६० मिलीग्राम अवैध लागूऔषध खैरो हेरोईन जस्तो देखिने धुलो पदार्थ सहित २ जनालाई प्रहरीले पक्राउ गरेको हो।
पक्राउ पर्नेहरूमा घोडाघोडी नगरपालिका १ सुखड बस्ने २६ बर्षीय प्रसान्त चौधरी र भजनी नगरपालिका ४ बस्ने २७ बर्षीया अभिशेख चौधरी रहेका छन् । ईलाका प्रहरी कार्यालय भजनीबाट खटिएको प्रहरीले जाँच गर्नेक्रममा उनीहरूलाई उक्त पदार्थ सहित फेला पारी पक्राउ गरेको जनाएको छ ।
यस सम्बन्धमा प्रहरीले थप अनुसन्धान गरिरहेको बताएको छ ।
Facebook Comments Box