धनगढी : बझाङको वित्थडचिर गाउँपालिका ६ मा रहेका चिराशैनी युवा क्लबले असहाय तथा विपन्न बालकालिकाहरुलाई शैक्षिक सामाग्री सहयोग गरेको छ ।
विभिन्न सामाजिक कार्य गर्दै आएको क्लबले प्रथम स्थापना दिवसको अवसरमा ३१ जना असहाय बालबालिकाहरुलाई शैक्षिक सामाग्री सहयोग गरेको हो ।
गाउँपालिका ६ मा रहेका सामुदायिक विद्यालय र वडा नं. ७ मा रहेको भगवती मावि पोखरीका विद्यार्थीहरुलाई शैक्षिक सामाग्री वितरण गरेको क्लबका अध्यक्ष कलक धामीले बताए ।
विद्यार्थीहरुलाई कापी, कलम, वर्णमाला लगायतका सामाग्री सहयोग गरेको हो । आमा बुवा नभएका असहाय तथा अति विपन्न परिवारका बालबालिकाको शैक्षिक स्तरमा सघाउ पुर्याउने उदेश्यले शैक्षिक सामाग्री सहयोग गरेको अध्यक्ष धामीले बताए ।
Facebook Comments Box