धनगढी : अछामको परिक्षाकेन्द्रबाट परिक्षा सञ्चालन गरिएका स्नातक प्रथम बर्षको एक बिषयको उत्तरपुस्तिका हराएको छ । त्रिभुवन विश्वविद्यालयमा अछामबाट गएको स्नातक प्रथम बर्षको फाउन्डेसन अफ एजुकेसन ४१२ बिषयको उत्तरपुस्तिका हराएको हो ।
अछाम बहुमुखी क्याम्पसबाट गएको उक्त विषयको उत्तर पुस्तिका हराएपछि पनिकाले पुनः परीक्षा लिन लागेको हो ।
चैत २१ गतेदेखि परीक्षा गर्ने भन्दै परीक्षा तालिका सार्वजनिक गरिएको छ । पनिकाले उक्त विषयको पुनः परीक्षा सञ्चालन गर्न भन्दै सम्बन्धित क्याम्पसहरूलाई निर्देशन दिएको थियो ।
सोही आधारमा क्याम्पसहरूले पुनः परीक्षा गर्न लागेका हुन् । चैत २१ गते बिहान ७ बजेदेखि १० बजेसम्म परीक्षा सञ्चालन हुन लागेको हो ।
अछाम बहुमुखी क्याम्पस र चितवन रत्ननगरको शहीद स्मृति बहुमुखी क्याम्पसले चैत २१ गतेदेखि परीक्षामा सहभागी हुन भन्दै विद्यार्थीहरूलाई बोलाएको छ ।