धनगढी: जिल्ला प्रहरी कार्यालय कैलाली कार्यरत तीन प्रहरीको बढुवा भएको छ।
प्रहरी प्रधान कार्यालय, मानवश्रोत विकास विभाग कर्मचारी प्रशासन शाखाको पत्रादेशानुसार उनीहरूको बढुवा भएको हो।
कार्यालयमा कार्यरत खेमराज पन्त प्रहरी वरिष्ठ नायव निरीक्षक पदबाट प्रहरी निरीक्षक पदमा बढुवा भएका छन्।
यस्तै संचारतर्फको प्राविधिकमा कार्यरत प्रहरी हवल्दार करनबहादुर बम वरिष्ठ हवल्दार र सहायक हवल्दार रामदत्त बडु प्रहरी हवल्दारमा बढुवा भएका हुन्।
कैलालीका प्रहरी प्रमुख प्रहरी उपरीक्षक पदम बहादुर विष्टले उनीहरूलाई आज दर्ज्यानी चिन्ह प्रदान गरेका थिए।
साथै अवकाश प्राप्त प्रहरी नायव निरीक्षक दल बहादुर झुकाललाई मायाको चिनो प्रदान गरि बिदाई गरिएको छ।
Facebook Comments Box