धनगढी : कैलाली भन्सार कार्यालयबाट सशस्त्र प्रहरीले कृषि उपकरण बोकेको ट्रक बरामद गरेको छ ।
वास्तविक मूल्य भन्दा कम भन्सार मुल्यांकन गरी नेपाल भित्र्याउन लागिएको उपकरणसहित ट्रक बरामद गरेको हो ।
त्रिनगर भन्सारमा रहेको सशस्त्र प्रहरी ब्यारेकबाटै ट्रकसहित समान बरामद गरिएको हो ।
भारतिय नम्बर प्लेटको युपी ३१ टि ४६५७ नम्बरको ट्रक सहित कृषी सम्बन्धी उपकरण बरामद गरिएको सशस्त्र प्रहरी बल नम्बर ३४ गणका प्रवक्ता सशस्त्र प्रहरी नायब उपरिक्षक साजेन्द्र श्रेष्ठले जानकारी दिए ।
भन्सारमा कम मुल्याकंन गरी ट्रक नेपाल भित्रिदै गरेको सुचनाका आधारमा बरामद गरिएको उनले बताए । ट्रक संगै समान मालिक बैरिस्टर गुप्तालाई पक्राउ गरिएको छ । ट्रक बरामद पछि आवश्यक अनुसन्धानका लागी राजश्व अनुसन्धान कार्यालय कोहलपुर पठाइएको सशस्त्र प्रहरी नायब उपरिक्षक श्रेष्ठले बताए ।
सो समान धनगढी चटकपुरस्थित बालाजी बजरंग ट्रेड एण्ड सप्लायर्सको रहेको सशस्त्र प्रहरीले जनाएको छ ।
बालाजीले भारतबाट आयात गर्ने समानहरु भन्सार संगको मिलेमतोमा कम मुल्याकन गरी भित्र्याउने गरेको सुचना आएपछि सशस्त्र प्रहरीले ट्रक सहित समान राजश्व अनुसन्धान कार्यालय पठाएको हो ।
सशस्त्र प्रहरीले ब्यारेलबाटै ट्रक सहित समान बरामद गर्दा चालक फरार छन् ।