धनगढी: दार्चुलामा जंगलमा सिकार गर्न गएका एक जनाको गोली लागेर मृत्यु भएको छ। शनिवार बिहान नौगाड गाउँपालिका–१ नागु लक्सेरीका ५५ वर्षीया धंके डडालको मृत्यु भएको हो।
आज १० बजेतिर भरुवा बन्दुकको गोली लागेको र उनको टाउकोमा गोली लाग्दा घटनास्थलमै मृत्यु भएको जिल्ला प्रहरी कार्यालय दार्चुलाका प्रमुख (डीएसपी) शिव सिंहले जानकारी दिए।
उनका अनुसार लक्सेरी नागु बस्ने अन्दाजी ५३ वर्षका जयसिंह डडालले चलाएको गोली लागेर धंकेको ज्यान गएको हुनसक्ने अनुमान गरिएको छ।
गोली हानेको आशङ्कामा जयसिंहलाई भाग्ने क्रममा अहिले प्रहरीले नियन्त्रणमा लिई घटनाबारे अनुसन्धान भइरहेको जनाएको छ। अहिले जिल्ला प्रहरी कार्यालयबाट पनि थप प्रहरी टोली घटनास्थलतर्फ गएको बताइएको छ।
Facebook Comments Box