धनगढी : नेपाल इन्जिनियर्स एशोसिएसनको ३४ औं केन्द्रीय कार्यकारिणी समिति र तेस्रो प्रादेशिक समितिको निर्वाचनका लागि लोकतान्त्रिक समूहका उम्मेदवारहरु धनगढी आइपुगेका छन् ।
भदौ २८ गते हुने निर्वाचनका लागि सोमबार धनगढीमा इन्जिनियरहरुको भेलामा लोकतान्त्रिक समूहका उम्मेदवारहरुले परिचयात्मक कार्यक्रमसहित मतदातासँग मत मागेका हुन् ।
निर्वाचनमा होमिएको लोकतान्त्रिक समूहमा केन्द्रीय कार्यकारिणी समितिका लागि अध्यक्षमा सुवास चन्द्र बराल, उपाध्यक्षमा प्रकाश केसी, महासचिवमा विनोद प्रकाश पण्डित, उपमहासचिवमा अनिल मानन्धर, कोषाध्यक्षमा सुमन थापा, सहकोषाध्यक्षमा कृष्ण प्रसाद पोख्रेलसहितको टिम चुनावी मैदानमा उत्रिएको छ ।
यस्तै तेस्रो प्रादेशिक कार्यकारिणी समितिको सभापतिमा नवीन राज जोशी, सुदूरपश्चिम प्रदेश केन्द्रीय सदस्यमा पूर्ण कुँवर,उप सभापतिमा प्रकाश उप्रेती, सचिवमा सरोज देउवा, सहसचिवमा सौरभ कलौनी र कोषाध्यक्षमा कलेन्द्र खड्कासहितको लोकतान्त्रिक समूह चुनावी मैदानमा छ ।