धनगढीः कैलालीमा पाँच जना फरार प्रतिवादी पक्राउ परेका छन्। जिल्ला अदालत कैलालीको विभिन्न मिथिको फैसलाले कैद सजाय तथा जरिवाना ठहर भएका तथा अहिले फरार रहेका पाँच जनालाई आइतबार पक्राउ गरिएको हो।
जिल्ला प्रहरी कार्यालय कैलालीबाट खटिएको प्रहरी टोलीले लागूऔषध मुद्धामा २५ दिन कैद सजाय तोकिएका धनगढी उपमहानगरपालिका–२ सन्तोषीटोल बस्ने २८ वर्षीय यज्ञबहादुर ओली र २४ वर्षीय सुरेशबहादुर ओली पक्राउ परेका छन्।
स्तै, चोरी मुद्धामा एक महिना तीन दिन कैद सजाय र ३० हजार जरिवाना तोकिएका घोडाघोडी नगरपालिका वडा नम्बर १० पहलमानपुर बस्ने २२ वर्षीय लोकेन्द्र बम तथा चेक अनादर मुद्धामा एक हजार जरिवाना तोकिएका धनगढी उपमहानगरपालिका वडा नम्बर १ पुष्पलाल चोक बस्ने ४८ वर्षीय ज्ञानेन्द्र गूपता र ४६ वर्षीय छाया गुप्तालाई पनि पक्राउ गरिएको कैलाली प्रहरीले जनाएको छ।
Facebook Comments Box