दार्चुलाः दार्चुलामा चरेशसहित २ जना पक्राउ परेका छन्। जिल्लाको शैल्यशिखर नगरपालिका–२ देथलाबाट सोही ठाउँ बस्ने २० वर्षीय रमेश भट्ट र नौगाड गाउँपालिका–६ बस्ने ७१ वर्षीय कासी धामी पक्राउ परेका हुन्।
इलाका प्रहरी कार्यालय गोकुलेश्वरबाट खटिएको प्रहरी टोलीले २ सय ग्राम चरेशसहित दुबै जनालाई बिहीवार फेला पारि पक्राउ गरेको जिल्ला प्रहरी कार्यालय दार्चुलाले जनाएको छ। यस विषयमा थप अनुसन्धान भईरहेको प्रहरीले जनाएको छ।
यस्तै कैलालीमा लागुऔषध कारोबारमा संलग्न एक जना पक्राउ परेका छन्।
जिल्लाको गोदावरी नगरपालिका–८ फकलपुरमा लागुऔषधको कारोबार भइरहेको सुचना प्रहरीले प्राप्त गरेपछि शुक्रवार एक जनालाई पक्राउ गरिएको हो।
इलाका प्रहरी कार्यालय मालाखेती र लागुऔषध नियन्त्रण ब्युरो शाखा कार्यालय धनगढीबाट संयुक्त रुपमा खटिएको प्रहरी टोलीले निर्मल चौधरीलाई १ ग्राम ५० मिलिग्राम लागुऔषधसहित नियन्त्रणमा लिएको हो।
त्यस्तै कैलालीमा सुनका गरगहना र नगद चोरेर फरार भएका एक जना पक्राउ परेका छन्।
जिल्लाको गोदावरी नगरपालिका–१ का २५ वर्षीय खडक रिजाल बिहीवार पक्राउ परेका हुन। उनले गोदावरी–१ मनहरा टोलकी पुष्पा सापकोटाको कोठा तोडफोड गरेर नगद र गरगहना चोरी गरेर फरार भएका थिए। उनी विरुद्ध इलाका प्रहरी कार्यालय मालाखेतीमा उजुरी परेपछि प्रहरीले खोजी गरेको थियो।
रिजालको साथबाट एक थान ४ आनाको सुनको तिलहरी, २ थान ६ दशमलव ५ आनाको सुनको झुम्का, एक थान १ आनाको सुनको काटा, एक थान २ आनाको सुनको चन्द्रमा र ३ हजार ४ सय नगद बरामद गरिएको इलाका प्रहरी कार्यालय मालाखेतीले जनाएको छ।