दार्चुला – दार्चुला साहित्य महोत्सवमा कविता वाचन प्रतियोगिता आयोजना गरिएको छ । माध्यमिक तह कक्षा (९–१२) का विद्यार्थीहरुको सहभागिता रहेको थियो । जिल्ला भरीका १६ विद्यालयले सहभागिता जनाएको प्रतियोगितामा निल पातालेश्वर मावि भर्तोलाकी छात्रा अस्मिता बोहरा प्रथम भएकी छन् ।
कविता बाचन प्रतियोगितामा द्धितीय स्थान छन्ना तिंकरी कन्या माविकी छात्रा अमृता लोहार र गौरीलमाण्डौ मावि हिकिलाकी छात्रा बसन्ती बम तृतीय भएको कार्यक्रमको समन्वय गरिरहेको दार्चुला साहित्य समाज दार्चुलाका अध्यक्ष नरेन्द्र सिंह बडालले जानकारी दिए ।
प्रतियोगितामा प्रथम, द्धितीय तथा तृतीय स्थान हासिल गर्ने प्रतियोगीलाई क्रमशः नगद १० हजार, ७ हजार र ५ हजार रुपैयाँ पुरस्कार वितरण गरिएको उनले बताए । यस्तै प्रतियोगितामा सहभागिता जनाउनुहुने विद्यालयका प्रतियोगीहरुलाई समेत ३/३ हजार रुपैयाँ वितरण गरिएको छ ।