दार्चुला – स्वास्थ्यका लागि खेलकुद, राष्ट्रका लागि खेलकुद भन्ने मुल नाराका साथ जिल्लाको मालिकार्जुन गाउँपालिकामा प्रथम मालिकार्जुन गाउँपालिका अध्यक्ष कप क्रिकेठ प्रतियोगिताको उद्घाटन गरिएको छ ।
शनिबारबाट सुरु भएको प्रथम अध्यक्ष कप प्रतियोगिताको गाउँपालिका अध्यक्ष हिरा सिह धामीले उद्घाटन गरेका छन ।
मालिकार्जुन गाउँपालिका लालीगुरास युवा क्लबको आयोजना तथा मालिकार्जुन गाउँपालिकाको सहयोगमा प्रथम अध्यक्ष कप प्रतियोगिता संञ्चालन गरिएको आयोजक राम सिह धामीले जानकारी दिए । शनिबार देखि सुरु भएको गाउँपालिका अध्यक्ष कप क्रिकेट प्रतियोगितामा जम्मा पालिकाभरीका १६ वटा टिमको सहभागिता रहेको छ ।
प्रतियोगिता भाद्र २४ गते सम्म संचालन हुने आयोजक धामीले बताए । प्रतियोगितामा प्रथम हुने टिमले नगद ६१ हजार १ सय ११ रुपैयाँ कप मेडल प्रमाण पत्र तथा दुतिय स्थान प्राप्त गर्ने टिमलाई रु २५ हजार ५सय ५५ रुपैयाँ कप मेडल प्रमाण पत्र प्रदान गरिने आयोजकले जनाएको छ ।
