काठमाडौँ – नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’को परिवारबाट तीन जना चुनावी लड्दैछन्। प्रतिनिधि सभा सदस्यका लागि प्रचण्डले गोरखा–२ बाट चुनाव लड्ने तयारी गरेका छन्। यसअघि चितवनबाट निर्वाचित प्रचण्डले असुरक्षित भएपछि गोरखाबाट चुनाव लड्ने तयारी गरेका हुन्।
प्रचण्डकी बुहारी विना मगर कञ्चनपुर क्षेत्र नम्बर १ बाट प्रतिनिधि सभा सदस्यका लागि गठबन्धनको उम्मेदवार छिन्। उनी पूर्व मन्त्री हुन्। प्रचण्डले आफ्ना कान्छा जुवाइँ जीवन आचार्यलाई समेत प्रदेशसभा सदस्यको टिकट दिएका छन्। उनले मोरङ क्षेत्र नम्बर ६ को ‘क’ का लागि टिकट पाएका हुन्।
आचार्य पहिले कांग्रेस समर्थक हुन। उनी २०७४ को निर्वाचनमा वाम गठबन्धन हुँदासमेत कांग्रेसका उम्मेदवार चुमनारायण दबदारसँग पराजित भएका थिए।
Facebook Comments Box