काठमाडौं — नेपालमा पछिल्लो २४ घन्टामा थप ५३ जनामा कोरोना पुष्टि भएको छ । स्वास्थ्य तथा जनसंख्या मन्त्रालयका अनुसार गत २४ घन्टामा देशभरका विभिन्न प्रयोगशालामा गरिएका १५७१ नमूना परिक्षणमा उक्त संख्यामा कोरोना पुष्टि भएको हो ।
मन्त्रालयका अनुसार उक्त अवधिमा ५१ जनाले कोरोनाविरुद्ध जित हात पारेका छन् । यससँगै अहिलेको अवस्थामा नेपालमा सक्रिय संक्रमितको संख्या ७ सय २७ पुगेको पनि मन्त्रालयले जनाएको छ ।
मन्त्रालयका अनुसार उक्त अवधिमा कुनै पनि संक्रमितले कोरोनाका कारण ज्यान गुमाएका छैनन् ।
मन्त्रालयले उक्त अवधिमा देशभर १५ हजार ३५९ जनाले कोरोनाविरुद्धको खोप लगाएको पनि जनाएको छ ।
Facebook Comments Box