धनगढी – नेकपा एमालेका अध्यक्ष केपी शर्मा ओली शुक्रबार दार्चुला जाने भएका छन्। मंसिर ४ गते हुने प्रतिनिधि सभा र प्रदेश सभा निर्वाचनका लागि चुनावी देश दौडाहको सुरुवात गर्न उनी चुच्चे नक्सामा समेटिएको भूमि दार्चुला जाने भएका हुन्।
ओली भोलि दार्चुला जाने भएपछि सदरमुकाम खलंगाका मुख्य प्रवेशद्वार तथा कार्यक्रमस्थल झण्डा र व्यानरले सजाएर झकिझकाउ पारिएको छ।
एमाले प्रचार विभाग प्रमुख खडक बडालका अनुसार पहिलो पटक दार्चुलाबाट सुरु हुन लागेको चुनावी सभालाई आकर्षक बनाउने तयारी गरिएको छ। ओलीले शुक्रबार नै बैतडी र कञ्चनपुरमा हुने आमसभालाई पनि सम्बोधन गर्ने कार्यतालिका छ।
Facebook Comments Box