काठमाण्डाै – काठमाण्डौको जोरपाटी साँखु सडक खण्ड ठप्प भएको छ । सडक मर्मतको माग गर्दै स्थानीय बासिन्दाले बिहानदेखि यो सडक खण्ड अन्तर्गतको थलीमा प्रदर्शन गरिरहेका छन् ।
लामो समयदेखि सडक मर्मतको माग गरे पनि पूरा नभएको भन्दै स्थानीय बासिन्दाले फेरि प्रदर्शन थालेका हुन् । यसअघि पनि उनीहरुले पटक-पटक विरोध गर्दै आएका थिए । तर, ठेकेदारसँग सडक मर्मत गर्ने सहमति भएपछि आन्दोलन स्थगित गरिएको थियो ।
सहमति अनुसार सडक मर्मतको काम नभएपछि फेरि स्थानीय बासिन्दाले केही दिनयतादेखि विरोध गर्दै आएका छन् । विरोध प्रदर्शन भइरहेकाले यो सडक खण्ड हुँदै ओहोरदोहोर गर्ने गाडीलाई वैकल्पिक मार्ग प्रयोग गर्न ट्राफिक प्रहरीको अनुरोध छ ।
Facebook Comments Box