धनगढी: बझाङमा फेरि अर्को दुर्घटना भएको छ। जिल्ला प्रहरी कार्यालय बझाङका प्रमुख डिएसपी युवराज भण्डारीका अनुसार बझाङको मष्टा गाउँपालिकामा फेरि अर्को जीप दुर्घटना भएको हो।
बिहीबार राति दुर्घटना हुँदा चालक धर्म थापाको मृत्यु भएको खबरपछि अहिले प्रहरी टोली खटिईगएको डीएसपी भण्डारीले बताए। दुर्घटनाको विस्तृत विवरण भने आएको छैन। प्राप्त प्रारम्भिक विवरणअनुसार, जीप दुर्घटनाका कारण चालकको घटनास्थलमै मृत्यु भएको हो।
यस अगाडि आजै जिल्लाको तलकोट गाउँपालिकास्थित धमेनामा जीप दुर्घटना हुँदा एकै घरका ३ जनासहित ४जनाको ज्यान गएको थियो।
दुर्घटनामा तलकोट गाउँपालिका-४ का ३६ वर्षीय बम बहादुर धामी, उनकी ७२ वर्षीया आमा जौमती देवी धामी, र बमबहादुरकी छोरी ६ वर्षीया छोरी आकृति धामीको मृत्यु भएको हो।
प्रहरीका अनुसार जीप चालक केदारस्यु गाउँपालिका १ का ३३ वर्षीय सम्शेर मल्लको पनि घटनास्थलमै मृत्यु भएको हो।
डिएसपी भण्डारीका अनुसार से १ ज ८४३ नम्बरको जीप तलकोटबाट सदरमुकाम चैनपुरतर्फ जाँदै गर्दा तलकोट गाउँपालिकाको धमेनामा दुर्घटना भएको थियो। जीप अनियंत्रित भएर झन्डै २०० मिटर तल खसेको प्रहरीले जनाएको छ।
र, यो पनि: बझाङ दुर्घटना: धामी परिवारका ३ जनाको एकसाथ मृत्यु, चालक पनि बिते