दार्चुला – अपि नाम्पा बचत तथा ऋण सहकारी संस्था लिमिटेडको १३ औँ बार्षिक साधारण सभाबाट ब्याडमिन्टन खेलाडी प्रिन्स दाहाल सम्मानित भएका छन ।
विहिबार संस्थाको १३ औँ बार्षिक साधारण सभाबाट ब्याडमिन्टन खेलाडी प्रिन्स दाहाललाई संस्थाले सम्मान गरेको हो ।
ब्याडमिन्टन खेलतर्फ नेपालको राष्ट्रिय च्याम्पियन विश्व ब्याडमिन्टन महासंघको पुरुष एकल खेलाडी तर्फ नेपालको प्रतिनिधित्व गदै राष्ट्रिय च्याम्पियन बनेको भन्दै संस्थाले सम्मान गरेको संस्थाका अध्यक्ष शुक्लावती बुढाथोकीले जानकारी दिनु भएको छ । संस्थाको १३ औँ बार्षिक साधारण सभाबाट राष्ट्रिय च्याम्पियन बनेका प्रिन्स दाहाललाई नगद रु ५ हजार ५५५ रुपैँया सहित सम्मान गरिएको संस्थाका अध्यक्ष बुढाथोकीले जानकारी दिए।
राष्ट्रको गौरवका रुपमा हेरिएका प्रिन्सलाई जिल्ला सदरमुकाम क्षेत्रमा रहेको भावना हलमा भएको कार्यक्रममा जिल्ला सहकारी संघ दार्चुलाका अध्यक्ष धनराज जोशी र अपि नाम्पा बचत तथा ऋण सहकारी संस्था लिमिटेडका जिल्ला अध्यक्ष शुक्लावती बुढाथोकीले उनका बुवा नारायण दाहात मार्फत कदर पत्रका साथै दोसल्ला ओडाएर सम्मान गरेको अपि नाम्पा बचत तथा ऋण सहकारी संस्था लिमिटेड दार्चुलाले जनाएको छ ।
दार्चुला जस्तो दुर्गम क्षेत्रमा जन्मिएर विश्वकै उत्कृष्ट खेलाडी बनेको भन्दै जिल्ला सहकारी संघका अध्यक्ष धनराज जोशीले समेत प्रिन्स दाहाललाई बधाई तथा शुभकामना दिएका छन । जिल्लामा रहेका सहकारी संस्थाहरुले खेलकुदका क्षेत्रमा सम्मान गरेको यो पहिलो पटक हो ।