महेन्द्रनगर – पोखरामा आज भएको विमान दुर्घटनामा महेन्द्रनगरका एक व्यवसायीका परिवारका सदस्य पनि परेका छन्।
व्यवसायी सञ्जिवचन्द्र भट्टकी श्रीमती सुष्मा पाण्डेय भट्ट र कान्छो छोरा स्लक दुर्घटनामा परेका हुन्। उनीहरु आइतबार बिहान घुम्नका लागि यती एयरलाइन्सको जहाजमा पोखरा उडेका थिए।
आफन्तको निम्तामा घुम्नका लागि पुस २८ मा ब्यवसायी भट्ट पोखरा पुगेका थिए। त्यसपछि उनले घुम्नुका साथै माघी मनाउन परिवारका अन्य सदस्यलाई पोखरा बोलाएका थिए । भट्टका दुई छोरी र दुई छोरा छन्। कान्छा छोरा दुर्घटनामा परेका हुन्।
Facebook Comments Box