काठमाण्डाै – साउदी प्रो लिग फुटबलमा क्रिष्टियानो रोनाल्डो सहभागी टिम अल नासर शीर्ष स्थानमा पुगेको छ ।
गएराति भएको खेलमा अल वेह्दालाई ४–० गोलले हराउँदै अल नासर शीर्ष स्थानमा पुगेको हो ।
अल नासरको जितमा क्रिष्टियानो रोनाल्डोले ४ गोल गरेका छन् । रोनाल्डोले २१, ४०, ५३ र ६१ मिनेटमा गोल गरेका हुन् । अल नासर १६ खेलमा ३७ अङ्कसहित तालिकाको शीर्ष स्थानमा पुगेको छ ।
रोनाल्डो अघिल्लो महिना कीर्तिमानी मूल्यमा साउदी सुपर लिगको क्लब अल नासरमा आबद्ध भएका थिए ।
Facebook Comments Box