काठमाडौं: यूएईबाट अन्तर्राष्ट्रिय क्रिकेट खेल्दै आएका रोहन मुस्तफा सुदूरपश्चिम रोयल्समा अनुबन्धित भएका छन्।
नेपाल प्रिमियर लिग (एनपीएल)का लागि मुस्तफा सुदूरपश्चिम रोयल्समा अनुबन्धित भएका हुन्।
रोहनले यसअघि पनि नेपालमा सम्पन्न विभिन्न प्रतियोगिता खेलेका थिए।
यूएईका पूर्व कप्तान समेत रहेका ३६ वर्षीय रोहनले ओडीआई र टी–२० आईमा उत्कृष्ट अलराउण्ड प्रदर्शन गर्दै आएका छन्।
बायाँ हाते ब्याटर उनले ५८ टि– २० आईमा १ हजार माथि रन जोड्नुका साथै ६१ विकेट पनि लिएका छन्।
एकै ओडीआईमा शतक प्रहार गर्नुका साथै ५ विकेट लिने दुर्लभ कीर्तिमान पनि उनको नाममा छ।
रोयल्सले यसअघि विदेशी खेलाडीको रुपमा न्युजिल्याण्डका बलिङ अलराउन्डर स्कट कुगेलेइन, स्कटल्यान्डका अलराउन्डर ब्रान्डन मक्मलेन र इंग्लिस क्रिकेटर सेफ अलि जेबलाई अनुबन्ध गरिसकेको छ।
Facebook Comments Box