अछाम – अछाममा बेपत्ता रहेका शिक्षक मृत अवस्थामा फेला परेका छन् ।
जिल्लाको मङ्गलसेन नगरपालिका वडा नम्बर १३ बस्ती स्थित शिव आधारभूत विद्यालयका प्रधानाध्यापक ३५ वर्षका जगत साउँद मृत भेटिएका हुन् । गत माघ २ गतेदेखि बेपत्ता साउँद गाउँ नजिकैको बुढाखोलामा झुण्डिएको अवस्थामा फेला परेका हुन् ।
मानसिक सन्तुलन ठिक नभएका शिक्षक माघ २ गते साँझ घरबाट निस्केका र त्यसपछि बेपत्ता रहेका उहाँका भाइ आनन्द साउँदले बताउनु भयो । उहाँको खोजीका लागि स्थानीय, जनप्रतिनिधि, प्रहरी सहितको टोलीले अछाम, डोटी तथा सुर्खेतका विभिन्न स्थानमा खोजी कार्य गरेको थियो ।
रुखमा झुण्डिएको अवस्थामा उनको शव फेला परेका साउँदले बताए ।
Facebook Comments Box