धनगढीः धनगढीस्थित छ लेन सडकखण्डमा बस दुर्घटना भएको छ। आज (बिहीवार) दिउँसो धनगढीको मोहनापुल अत्तरिया ६ लेन सडकको चटकपुरमा ना ७ ख ५८७४ नम्बरको बस अनियन्त्रित भएर रेलिङमा ठोक्किएको हो।
यस्तै सोही बसले एक साइकलयात्रीलाई पनि ठक्कर दिएको छ। बसले धनगढी उपमहानगरपालिका २ की २४ वर्षीया आरती चौधरीलाई ठक्कर दिएको हो। चौधरीको मायामेट्रो अस्पतालमा उपचार भइरहेको प्रहरीले जनाएको छ।
यस्तै बस र चालक २३ वर्षीय हिक्मत शाहीलाई प्रहरीले नियन्त्रणमा लिएको छ। केही समयअघि धनगढीमा मेयर गोपाल हमालले सो सडकखण्डमा दुर्घटना बढेको भन्दै डिभाइडरहरु हटाएका थिए। डिभाइडर हटाएपछि अहिले सवारी साधनहरु रेलिङमा ठोक्किन थालेका छन्।
Facebook Comments Box