कञ्चनपुर – प्रहरी प्रधान कार्यालयले १३९ जना प्रहरी निरीक्षक (इन्स्पेक्टर) को काज सरुवा गरेको छ। काज सरुवामा कञ्चनपुरका पनि ४ जना प्रहरी निरीक्षक पनि परेका छन्।
इलाका प्रहरी कार्यालय बेलौरी कञ्चनपुरका प्रहरी निरीक्षक दानसिंह भण्डारीको जिल्ला प्रहरी कार्यालय बाजुरामा काज सरुवा भएको छ। उनको स्थानमा नेपाल प्रहरी विशेष गण महेन्द्रनगरबाट सञ्जिबचन्द्र शाह आएका छन्।
इलाका प्रहरी कार्यालय बेलडाडीका प्रहरी निरीक्षक दीपक पातलीको राष्ट्रिय प्रहरी प्रतिष्ठान महाराजगञ्जमा सरुवा गरिएको छ। बेलडाडीमा नयाँ प्रहरी निरीक्षकका रुपमा देबेन्द्रसिंह बुढाथोकी आएका छन्। उनी नेपाल प्रहरी अस्पताल प्रबन्ध शाखा महाराजगञ्जबाट यहाँ आएका हुन्।
वडा प्रहरी कार्यालय महेन्द्रनगरका प्रहरी निरीक्षक प्रकाश भण्डारीको नेपाल प्रहरी विशेष गण महेन्द्रनगरमा काज सरुवा गरिएको छ। वडामा प्रहरी बृत लैनचौरबाट प्रहरी निरीक्षक लोकबहादुर बिष्ट नयाँ प्रमुखका रुपमा आएका छन्।
यस्तै इलाका प्रहरी कार्यालय झलारीका प्रहरी निरीक्षक ज्ञानेन्द्र सिंह जिल्ला प्रहरी कार्यालय दार्चुला पुगेका छन्। झलारीमा प्रहरी बृत जगाती भक्तपुरबाट प्रहरी निरीक्षक सूर्यबहादुर शाही काजमा आएका छन्।