धनगढी – कैलालीको जोशीपुर गाउँपालिका वाड नं ७ का वडा अध्यक्ष बमबहादुर शाहले आफ्नै डेढ लाख लगानीमा वडाकै दृष्टिविहीन जङ्गबहादुर चौधरीको घर निर्माण गरिदिएका छन्।
दृष्टिविहीन जङ्गबहादुरकी श्रीमती पनि अपाङ्ग रहेको र उनलाई आवासको समस्या रहेकाले आफ्नो खर्चमा घर निर्माण गरिदिएका हुन्।
घरमा अरु कोही नभएका जङ्गबहादुर विगत लामो समयदेखि खरले छाएको सानो झुपडीमा बस्दै आएका थिए। घर अत्यन्त जीर्ण बन्दै गएको र उनीहरूले घर बनाउन सक्ने स्थिति नभएका कारण अध्यक्ष शाहले आफ्नै सेवा सुविधाबाट आउने रकमले घर बनाएर हिजो एक कार्यक्रमका चाबीसहित हस्तान्तरण गरेका छन् ।
चुनावका बेला गरेको बाचा वडा अध्यक्ष शाहले पुरा गरिरहेका छन्। अध्यक्ष शाह नेकपा एमालेबाट निर्वाचित भएका एमाले निवर्तमान जिल्ला कमिटी सदस्य हुन् ।
Facebook Comments Box
1 Comment
यति मात्र कहाँ हो र हाम्रो श्री कृष्ण अधारभूत विद्यालय जोशीपुर -5, सिमराना लाई 16 कठ्ठा जग्गा, लाखौं नगद लगायत भौतिक सामग्री, व्बस्थापकिय सहयोग तथा अन्य विभिन्न सहयोग गर्नु भएको छ।
उहाँ को उत्तरोत्तर प्रगति, सुस्वास्थ्य तथा दीर्घायुको कामना सदैव रहिरहनेछ ।