धनगढीः नेपाली काँग्रेसका केन्द्रिय सदस्य तथा धनगढी उपमहानगरपालिकाका पूर्व मेयर नृपबहादुर वडले अहिलेका नगर प्रमुख गोपाल हमालले जनप्रतिनिधिको भूमिका निर्वाह गर्न नसकेको बताएका छन्। नेपाली काँग्रेसको वडा सम्मेलनलाई सम्बोधन गर्दै उनले यस्तो बताएका छन्।
यस्तै उनले धनगढीका नगर प्रमुख हमाल निर्वाचित भएर आएपछि जनतासंग नजिक हुनुभन्दा पनि टाढा भागिरहेको बताए।
‘समन्वय र सहकार्य गरेर जनप्रतिनिधि अघि बढ्नुपर्छ। जनतालाई नभेट्ने, व्यवसायी तथा दुःखमा परेका व्यक्तिलाई नभेट्ने मान्छे जनप्रतिनिधि कसरी हुन्छ ?’ उनले भने, ‘निर्वाचित भएर आएपछि अहिलेसम्म वडाहरुमा पुगेका छैनन्। म जनप्रतिनिधि हुँदा हरेक महिनामा एक पटक पुग्थे। हरेक घरमा पुग्न नसकेको होला तर, वडाका समस्या बुझ्न आईरहन्थे।’
त्यस्तै अर्को सन्दर्भमा बोल्दै उनले रवि लामिछानेले जनतालाई भ्रम पार्ने काम मात्र गरेको बताए। लामिछानेले कमिसन खानबाहेक अन्य केही काम गर्न नसक्ने उजले बताए।