लमजुङ: लमजुङ जिल्ला कारागारबाट दुई कैदी फरार भएका छन्। बेसीशहर नगरपालिका- ८ शेरा स्थित कारागारको उत्तर पश्चिम तर्फको कैदी आवासको पर्खाल नाघेर गत राति साढे एक बजेको समयमा दुई कैदी फरार भएका हुन्।
फरार हुनेमा लम्जुङको मध्यनेपाल नगरपालिका ४ का २७ वर्षिय विनोद विक र गोरखा चुमनुब्री गाउँपालिका ३ का ३७ वर्षिय चन्द्र बहादुर गुरुङ रहेको प्रहरीले बताएको छ।
विक जबर्जस्ती करणी र डाँका चोरी मुद्धामा र गुरुङ ठगी मुद्धामा कारागार चलान भएका थिए।
प्रहरीले दुवैजनाको खोजीकार्य तिव्र पारेको जनाएको छ।
Facebook Comments Box