धनगढी: कैलालीमा जीपको ठक्करबाट घाइते भएका मोटरसाइकल चालकको मृत्यु भएको छ।
बिहीबार राति पूर्वपश्चिम राजमार्ग अन्तरगत गोदावरी नगरपालिका– ४ खैरेनामा प्रदेश३ ०१–०२४ च ५१४८ नम्बरको जीपले से ३ प ८९२५ मोटरसाइकललाई ठक्कर दिदा घाइते भएका युवकको उपचारका क्रममा मृत्यु भएको प्रहरीले जनाएको छ ।
मृत्यु हुनेमा डोटीको शिखर नगरपालिका– ९ बस्ने ३५ वर्षीय राजेन्द्र सिंह खड्का रहेका छन्। उनको धनगढीस्थित माया मेट्रो अस्पतालमा उपचारका क्रममा शनिबार राति मृत्यु भएको हो।
जीप र चालक गोदावरी नगरपालिका– १ बस्ने ४२ वर्षीय झलक ऐडीलाई प्रहरीले नियन्त्रणमा लिएको छ।
Facebook Comments Box